Արմինֆո. Հայաստանի արտարժույթի միջբանկային շուկայում 2025թ.օգոստոսի 4- 8-ը դոլարային գործարքների անկման ֆոնին աճել են ռուբլով գործարքները։ Եվրոյով գործարքներ արդեն երկուսուկես ամիս չեն իրականացվում։ Մասնավորապես, դոլարային գործարքների շաբաթական միտումը ծավալվել 47% աճից դեպի 21% անկում է, իսկ նախորդ շաբաթ վերսկսված ռուբլով գործարքներն աճել է 86% - ով ։ Դա նվազեցրել է դոլարային գործարքների ընդհանուր շաբաթական ծավալի գերակայությունը ռուբլով գործարքների նկատմամբ՝ 2,5 անգամից մինչեւ 1,1 անգամ։
Դրան զուգահեռ, արտարժույթի ներբանկային շուկայում հաշվետու շաբաթվա ընթացքում (04-08.08.25, 28.07 - 01.08.25-ի համեմատ) դոլարի առքի աճը մեծապես դանդաղել է՝ վաճառքի միտման աճի պայմաններում, եվրոյի առքուվաճառքի աճի միտումը պահպանվել է, իսկ ռուբլով գործարքներում առքի աճն ուղեկցվել է վաճառքի անկմամբ:
Արդյունքում՝ ս. թ. օգոստոսի 4-8-ը դրամը դոլարի նկատմամբ "սառել է" 383,5 դրամ/1դոլարի մակարդակում, ընդ որում, թուլացել է ինչպես եվրոյի նկատմամբ' 440-ից մինչև 447 դրամ/1եվրո, այնպես էլ ռուբլու նկատմամբ' 4,75 - ից մինչև 4,78 դրամ/1 ռուբլի: Մեկ տարի առաջ ՝ 2024թ. օգոստոսի 8 – ին, դրամի փոխարժեքը դոլարի նկատմամբ կազմել է 388,5 դրամ/1դոլար, եվրոյի նկատմամբ՝ 422,5 դրամ/1եվրո, իսկ ռուբլու նկատմամբ ՝ 4,45 դրամ/1ռուբլի, ինչը ներկայիս փոխարժեքների համեմատ վկայում է դոլարի նկատմամբ դրամի տարեկան արժևորման, իսկ եվրոյի ու ռուբլու նկատմամբ արժեզրկման մասին։
