Հայաստանի մետալուրգիական ճյուղը կրճատում է ծավալները

Արմինֆո.  Հայաստանի մետալուրգիական Ճյուղը 2025թ. հունվար-հուլիսին տարեկան դինամիկան ծավալել է 7% աճից դեպի 7% անկում։ Ինչպես վկայում են ՀՀ վիճակագրական կոմիտեի տվյալները,  դա պայմանավորված է եղել գերիշխող արտադրության՝ պղնձի խտանյութի, ինչպես նաև մոլիբդենի խտանյութի և ֆերոմոլիբդենի ծավալների անկմամբ։

Մասնավորապես, հաշվետու ժամանակահատվածում պղնձի խտանյութի արտադրությունը նվազել է տարեկան 8%-ով (նախորդ տարվա 14,5% աճի դիմաց)' կազմելով 159.1 հազ.տոննա:

Մոլիբդենի խտանյութի արտադրության անկումը պահպանվել է՝ տարեկան տեմպերի 39,7%-ից մինչեւ 14,9% դանդաղումամբ, իսկ ֆերոմոլիբդենի արտադրությունը՝ 44,9%-ից մինչեւ 35,1%, որոնց ծավալները հաշվետու ժամանակահատվածում կազմել են, համապատասխանաբար, 8,309.1 հազար տոննա  եւ 1.725, 8 հազար տոննա: Դրա հետ մեկտեղ դանդաղել է ցինկի խտանյութի արտադրության տարեկան աճը՝ 18,5%-ից մինչեւ 6,9%՝ ապահովելով 6,667 հազար տոննա ծավալ։ Տարեկան աճի արգելակում է արձանագրվել նաև պողպատե խողովակների արտադրությունում՝ 21,7%-ից մինչեւ 4,6%՝ ապահովելով 13.704,9 հազար տոննա ծավալ։

Ընդ որում, բարելավվել է ալյումինե փայլաթիթեղի արտադրության տարեկան դինամիկան՝ 34,8% անկումից մինչեւ 2% աճ՝ ապահովելով 11.726,2 հազար տոննա ծավալ։