Արմինֆո.Հնդկաստանում Հայաստանի դեսպան Վահագն Աֆյանն առանձնազրույց է ունեցել Հնդկաստանի քաղաքացիական ավիացիայի նախարար Ռամ Մոհան Նայդուի հետ Նյու Դելիում հավատարմագրված դիվանագիտական ներկայացուցչությունների ղեկավարների համար կազմակերպված միջոցառման շրջանակներում:
Ինչպես հաղորդում է Հնդկաստանում Հայաստանի դեսպանության մամուլի ծառայությունը, ՀՀ դեսպանը, հաշվի առնելով երկու երկրների բարեկամական կապերը, անհրաժեշտ է համարել գործուն քայլեր ձեռնարկել օդային հաղորդակցության ապահովման և պահանջված ուղիղ թռիչքների գործարկման ուղղությամբ: Հնդկաստանի քաղաքացիական ավիացիայի նախարարը, դրականորեն արձագանքելով, հավաստիացրել է պատշաճ հետևողականության ցուցաբերման մասին:
Ավելի վաղ Հայաստանի էկոնոմիկայի նախարար Գեւորգ Պապոյանը խոսել էր ընթացիկ տարվա սեպտեմբերից Հայաստանի մայրաքաղաքից Հնդկաստան ուղիղ չվերթներ իրականացնելու հնարավորության մասին:
