Հայաստանի նախագահ. Երկրի բյուջեի քսանհինգ տոկոսը գնում է սպառազինությանը

Արմինֆո Հայաստանի բյուջեի քսանհինգ տոկոսը գնում է սպառազինությանը և բանակին, պաշտպանությանը, այսինքն ՝ դա ՀՆԱ-ի 6,3 տոկոսն է։ Այս մասին հայտարարել է Հայաստանի նախագահ Վահագն Խաչատուրյանը՝ RTVI-ի հետ հարցազրույցում։

Հարցին, թե արդյոք այսօր Հայաստանը զինվում է, Խաչատուրյանը դրական պատասխան է տվել: Ընդ որում, նա հավելել է, որ Երևանը և զենք է գնում տարբեր երկրներից, և ինքն է արտադրում։

Ճշգրտող հարցին, թե արդյոք կարելի է նման պայմաններում ասել, որ երկիրն անվտանգության հետ կապված խնդիրներ չունի, երկրի ղեկավարը պատասխաանել է, որ խնդիրներ կան: Նրա խոսքով ՝ այդ խնդիրները մեկ տարվա չեն, դրանք կուտակվել են տասնամյակների ընթացքում։ Նա հավելել է, որ Հայաստանի գործող իշխանությունները հիմա ուզում են վերացնել այդ ամենը։

"Բյուջեի քսանհինգ տոկոսը գնում է սպառազինությանը և բանակին, պաշտպանությանը, այսինքն՝ դա ՀՆԱ-ի 6,3 տոկոսն է։ Այժմ եվրոպական երկրների համար նոր սահմանված նորմատիվը ՀՆԱ-ի 5-6 տոկոսն է, մինչ այդ նրանք ծախսում էին ՀՆԱ-ի 1-1,5 տոկոսը։ Դա վիթխարի գումար է նաեւ մեր բյուջեի և մեր երկրի համար։ Նույնը, նույն թվերն են նաև Ադրբեջանում, նույն թվերը", - նշել է նա։

Ընդ որում, Խաչատուրյանն ընդգծել է, որ ինքը, որպես տնտեսագետ, ընդհանրապես կարծում է, որ  ամենավատ բանը, որ կարող էին մտածել, սպառազինության վրա գումար ծախսելն է ։ Նա վստահ է, որ պետք է այնպես անել, այնպես պայմանավորվել, այնպիսի հարաբերություններ հաստատել, որպեսզի, ընդհանրապես, չզինվել։

Ընդ որում, նա հարց է տվել, թե որքանով է նորմալ 24 ժամ սպառազինության համար աշխատելը։ "Ինչու՞ է արվում այնպես, որ շուրջդ թշնամիներ ունենաք։ Հիմա ինչ, ինչո՞վ է զբաղվում Հայաստանը հիմա։ Հիմա Հայաստանը զբաղվում է մեր բոլոր հարևանների հետ նորմալ հարաբերություններ հաստատելով։ Մինչ այդ եղել է հենց այնպես, ինչպես դուք էիք ասում. մենք թշնամիներ ունեինք՝ Թուրքիան և Ադրբեջանը, և մենք եղբայրական կամ բարիդրացիական հարաբերություններ ունեինք այլ երկրների հետ։ Նման բան չպետք է լինի, որ շուրջդ, առավել ևս, հարևան երկրները թշնամաբար էին տրամադրված լինեն քո հանդեպ։ Դա նշանակում է դիվանագիտության ձախողում", - հավելել է նա։

Միաժամանակ Խաչատուրյանն ընդգծել է, որ եթե Հայաստանում ռազմական ծախսերի համար մինչև 2018 թվականը ծախսել են ընդամենը 400 մլն դոլար, ապա այժմ ծախսվում է 1,7 մլրդ դոլար, այսինքն, հաշվեք, թե քանի անգամ ավելի շատ՝ 4 կամ 5 անգամ ավելի: Միևնույն ժամանակ, նա դժգոհել է, որ նախորդ ծախսերը բավարար չէին, և ինչպես պարզվեց, բանակը պատրաստ չէր պատերազմին:

"Հիմա մենք պատրաստվում ենք վատթարագույնին, բայց ես վստահ եմ, իրականում, ես վստահ եմ, ինչպես վարչապետն էլ միշտ ասում է, որ մենք տարածաշրջանում,  Ադրբեջանի հետ հարաբերություններում խաղաղություն ենք ունենալու։ Նույնը վերաբերում է Թուրքիային, նույնը վերաբերում է բոլոր այն երկրներին, որոնով մենք շրջապատված ենք, և բոլոր այն երկրներին, որոնց հետ մենք նորմալ քաղաքական, տնտեսական հարաբերություններ ունենք", - ասել Է նախագահը։

Հարցին, թե արդյոք հնարավոր է պատերազմ Հարավային Կովկասում, Խաչատուրյանը պատասխանել է՝ ոչ:

Ավելի վաղ Հայաստանի ֆինանսների նախարար Վահե Հովհաննիսյանը հայտարարել էր, որ Վաշինգտոնում Ադրբեջանի հետ խաղաղության համաձայնագրի նախաստորագրման ֆոնին երկրի իշխանությունները ծրագրում են 2026 թվականի բյուջեում նվազեցնել պաշտպանական ծախսերի մասնաբաժինը ՝ 2025 թվականի համեմատ: Նրա հավաստմամբ՝ դա արդեն ամրագրված է բյուջեի նախագծում: Ընդ որում, անհասկանալի էր ՝ խոսքը բացարձակ գումարների կրճատման մասին է, թե միայն բյուջեի կառուցվածքում մասնաբաժնի նվազման մասին՝ պահպանելով ծախսերի ներկայիս մակարդակը։

Հաջորդ օրը վարչապետ Նիկոլ Փաշինյանը, մեկնաբանելով ֆինանսների նախարարի հայտարարությունը, նշել էր, որ Հայաստանը մտադիր չէ 2026 թվականին ավելացնել ռազմական բյուջեն: "Հնարավոր է, որ 2026 թվականի բյուջեում ծախսերի զգալի աճ կամ պաշտպանական ծախսերի աճ ընդհանրապես չլինի։ Կարծում եմ, դա տրամաբանական է, համենայն դեպ,ս մեր գնահատականն այս պահին սա է", - ասել էր Փաշինյանը ։