Արմինֆո.ՀԲՄ նախաձեռնությամբ Երևանում մեկնարկած միջազգային բանկային ֆորումի շրջանակներում այսօր ստրագրվել է Փոխըմբռնման հուշագիր Հայաստանի բանկերի Միության (ՀԲՄ) և Հունական բանկերի ասոցիացիայի միջեւ։
ՀԲՄ հաղորդագրության համաձայն, հուշագիրը ստորագրել են ՀԲՄ նախագահ Դանիել Ազատյանը և և Հունաստանի բանկերի ասոցիացիայի գլխավոր տնօրեն Խարուլա Ապալագակին։
Ստորագրված հուշագրի նպատակն է խորացնել համագործակցությունը երկու երկրների բանկային ասոցիացիաների միջև՝ միտված կայուն ֆինանսական համակարգի ձևավորմանը և տնտեսական զարգացման խթանմանը։
Երկկողմ հուշագիրը կնպաստի կողմերի միջև փորձի և հնարավորությունների փոխանակմանը, կրթական ծրագրերի համատեղ անցկացմանը և վերապատրաստման ուղղություններով աշխատանքների իրականացմանը։
ՀԲՄ նախագահ Դանիել Ազատյանի փոխանցմամբ՝ հուշագիրը կարևոր քայլ է Հայաստանի բանկային համակարգի միջազգային կապերի ընդլայնման և տարածաշրջանային համագործակցության խորացման գործում։
Հիշեցնենք, որ այսօր Երևանում մեկնարկած Հայաստանի բանկերի միության կազմակերպած ամենամյա բանկային համաժողովն այս տարի անցկացվում է "Բանկային համակարգի ապագան. կայուն զարգացում և նորարարության հեռանկարներ" խորագրի ներքո: Ինչպես նշում են ՀԲՄ-ում, "2025 թվականի բանկային համաժողովը" եզակի է ոչ միայն մասնակիցների քանակով, այլեւ քննարկվող թեմաների լայն շրջանակով։ Համախմբելով հայաստանյան և միջազգային ֆինանսական ինստիտուտների ներկայացուցիչներին՝ համաժողովը նպատակ ունի քննարկել թվայնացման, կիբեռանվտանգության, ռիսկերի կառավարման, ֆինանսական ծառայությունների ժամանակակից ստանդարտների ներդրման, ինչպես նաև բանկային համակարգի ապագայի տեսլականի հետ կապված հարցեր:
Այս տարի համաժողովն իրենց ներկայությամբ պատվել են Հայաստանի բանկերի միության միջազգային գործընկերները, մասնավորապես՝ ԱՄՆ-ից, Մեծ Բրիտանիայից, Ավստրիայից, Գերմանիայից, Լյուքսեմբուրգից, Արաբական Միացյալ Էմիրություններից, Լեհաստանից, Հունաստանից և Վրաստանից:
Բանկային համաժողովն անցկացվում է Վերակառուցման և զարգացման եվրոպական բանկի, Կենտրոնական և Արևելյան Եվրոպայի բանկերի ասոցիացիայի և ՀՀ Կենտրոնական բանկի հետ համատեղ:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%