Արմինֆո.Համայնքների զարգացմանն աջակցող ԵՄ առաջատար "Քաղաքապետերը հանուն տնտեսական աճի" (M4EG) նախաձեռնությունը պաշտոնապես մեկնարկում է իր նախագծի երրորդ փուլը Հայաստանում:
Ինչպես ԱրմԻնֆո-ին հաղորդել են ՄԱԿ Զարգացման ծրագրի (ՄԱԶԾ) մամուլի ծառայությունից, նախագծի երրորդ փուլը, հիմնվելով նախորդ ձեռքբերումների վրա, հատուկ ուշադրություն կդարձնի համայնքների զարգացմանն ուղղված մոտեցմանը: Մասնավորապես, ինչպես պարզաբանել են ՄԱԶԾ-ում, կարճաժամկետ և տարաբնույթ նախագծերին աջակցելու փոխարեն նախապատվությունը տրվելու է համակարգված նախաձեռնությունների ծրագրերին:
"Առաքելության վրա հիմնված տնտեսական մոտեցումը նպատակաուղղված է կոնկրետ սոցիալական խնդիրների լուծմանը՝ թիրախային ռազմավարական ազդեցության միջոցով։ Այն նաև նպաստում է տնտեսական աճի խթանմանը բարդ խնդիրների լուծման և հասարակությանը օգուտ բերող որոշումների կայացման միջոցով: Նման մոտեցումը լիովին արտացոլում է ԵՄ հանձնառությունը M4EG նախաձեռնության շրջանակներում տեղական ինքնակառավարման մարմինների կարողությունների ընդլայնման, ինչպես նաև Արևելյան գործընկերության տարածաշրջանում բարեփոխումների իրականացման և համակարգային փոփոխություններին աջակցելու հարցում", - նշել են ՄԱԶԾ-ում։
Ինչպես հիշեցրել են մամուլի ծառայությունից, 2025 թվականի օգոստոսին ծրագրին արդեն միացել են Ապարանը, Գորիսը և Նոյեմբերյանը։
Հիշեցնենք, որ "Քաղաքապետերը հանուն տնտեսական աճի" (M4EG) նախաձեռնության մեկնարկը տրվել է 2016 թվականին մեկնարկած "Աջակցություն Արևելյան գործընկերության երկրների կայուն զարգացմանը"միջազգային համաժողովի շրջանակներում: Այն ժամանակ հայտարարվել էր նաև Արևելյան գործընկերության երկրներում (CoMEast) "Քաղաքապետերի Դաշնագիր - Արևելք" նախագծի էներգաարդյունավետության երկրորդ փուլի մեկնարկի մասին։ Այդ ննախագծերը նպատակ ունեն ամրապնդել համագործակցությունը տեղական ինքնակառավարման մարմինների և քաղաքացիական հասարակության ներկայացուցիչների միջև 'վերահսկողության ուժեղացման, փորձի փոխանակման, գործուն և արդյունավետ վարչական մեխանիզմների զարգացման ուղղությամբ' տեղական զարգացման քաղաքականության հասնելու և իրականացման համար: Նշվել է, որ դա, իր հերթին, կնպաստի տարածաշրջանային մակարդակում նոր աշխատատեղերի ստեղծմանը և բնակչության մեկ շնչին բաժին ընկնող ՀՆԱ-ի աճին:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները