Գևորգ Պապոյան. TRIPP-ը համագործակցություն է միայն ու միայն ԱՄՆ-ի հետ

ԱրմինֆոTRIPP-ը (Թրամփի խաղաղության և բարգավաճման միջազգային երթուղին) համագործակցություն է միայն ու միայն ԱՄՆ-ի հետ։ Այդ մասին հոկտեմբերի 13-ին լրագրողներին հայտարարել է Հայաստանի էկոնոմիկայի նախարար Գեւորգ Պապոյանը։

«Ճանապարհի հետ գործ ունեն միայն Հայաստանն ու ԱՄՆ-ը։ Դա սևով սպիտակի վրա գրված է թղթի վրա, այլ տարբերակ չկա և չի կարող լինել", - ընդգծել է նա։

Լրագրողների այն հարցին, թե արդյոք Հայաստանում կարող են բացվել թուրքական կապիտալով ամերիկյան ընկերություններ, նախարարը պատասխանել է, որ չի հասկանում նման մտահոգությունը, քանի որ թուրքական ընկերությունները մեր երկրում գործունեություն են ծավալում դեռևս 2012 – 2013 թվականներից: Որպես օրինակ՝ Պապոյանը նշել է հագուստի բրենդին առնչվող մանրածախ առևտրի մի քանի օբյեկտներ: Նա նշել է, որ ողջունում է ներդրումները, համարելով դրական գործոն, երբ հարևանների միջև խաղաղությունն ամրապնդվում է նաև ֆինանսական ներդրումներով:

"Նորմալ եմ համարում, որ խաղաղության հաստատման և սահմանների բացման դեպքում Հայաստան կգան ներդրումներ, այդ թվում՝ թուրքական, իսկ մենք ներդրումներ կանենք այնտեղ ", - ասել է նա:

Հիշեցնենք, որ ս.թ. օգոստոսի սկզբին Սպիտակ տանը Հայաստանը և Ադրբեջանը վերահաստատել են երկու երկրների միջև հաղորդակցությունների բացման կարևորությունը ներպետական, երկկողմ և միջազգային փոխադրումների համար՝ տարածաշրջանում և նրա հարևան երկրներում խաղաղության, կայունության և բարգավաճման խթանման նպատակով ՝ պետությունների ինքնիշխանության, տարածքային ամբողջականության և իրավազորության հարգանքի հիման վրա: Այդ ջանքերը ներառում են Ադրբեջանի հիմնական տարածքի և Նախիջևանի Ինքնավար Հանրապետության միջև Հայաստանի տարածքով ուղիղ հաղորդակցության բացում։ «Հայաստանը կհամագործակցի ԱՄՆ-ի և համատեղ որոշված երրորդ կողմերի հետ ՝ Հայաստանի տարածքում «Թրամփի խաղաղության և բարգավաճման միջազգային երթուղի» (TRIPP) նախագծի շրջանակը մշակելու համար: Մենք վերահաստատում ենք մեր ձգտումը բարեխղճորեն շարունակելու ջանքերը այդ նպատակին հասնելու համար՝ ամենակարճ ժամկետներում», - ասվում է հռչակագրում