Արմինֆո. ՀՀ վարչապետ Նիկոլ Փաշինյանը հերթական անգամ հայտարարել է, որ Հայաստանի Հանրապետությունը չի կարող կոնյակ արտադրել: Կոնյակը կարող է արտադրվել միայն Ֆրանսիայի նույնանուն տարածաշրջանում, ինչպես շամպայն կարող է կոոչվել միայն այն գինին, որը պատրաստված է Ֆրանսիայի Շամպայն շրջանում աճեցված և հավաքված խաղողից, ընդգծել է նա՝ հոկտեմբերի 23-ին կառավարության հերթական նիստում:
Այդ ֆոնին, ինչպես նշել է վարչապետը, ինքը զարմանում է, որ հայ արտահանողները բողոքում են, որ ԵՄ-ն թույլ չի տալիս իրենց հայկական կոնյակ ներկրել։ "Հայկական կոնյակ հասկացություն չի կարող լինել, ինչպես եւ՝ Դիլիջանի "Ջերմուկ", - հայտարարել է Փաշինյանը։
Անդրադառնալով խաղողի մթերման գործընթացին՝ էկոնոմիկայի նախարար Գևորգ Պապոյանը հայտարարել է, որ այսօր արդեն մթերվել է խաղողի տեխնիկական տեսակների ողջ ծավալը: Այսպես, նախարարության օպերատիվ տվյալներով, մթերվել է 211 հազար տոննա խաղող՝ ողջ նախորդ տարվա 164 200 տոննայի դիմաց։ Մնացել է "Արենի" տեսակի և սեղանի խաղողի ոչ մեծ ծավալ։ Առաջիկա երկու-երեք օրվա ընթացքում գործընթացը կավարտվի, վստահեցրել է Պապոյանը։
Կառավարության ղեկավարը նաև նշել է, որ հոկտեմբերի 23-ի դրությամբ հայկական գյուղմթերքի արտահանումը մեկ տարվա ընթացքում աճել է 13,8 տոկոսով: Մասնավորապես, ծիրանի արտահանումն աճել է 25.5% - ով, սալորինը՝ 61.1% - ով, դեղձինը՝ 87.1% - ով, կեռասինը՝ 123% - ով, տանձինը՝ 245% - ով, լոլիկինը՝ 12% - ով, պղպեղինը՝ 62% - ով, կաղամբինը՝ 843% - ով, սմբուկինը՝ 72% - ով ։ Ծաղիկների արտահանումը (հատով) ավելացել է 6.4% - ով:
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՀԿԵ-ն շեշտը դնում է սպասարկման որակի և փոխադրումների նոր ձևաչափերի վրա 
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"