Արմինֆո. OPEC-ը 30 մլն ԱՄՆ դոլարի ֆինանսական միջոցներ է տրամադրել Evocabank-ին Հայաստանում տեղական բիզնեսների և կանաչ նախագծերի զարգացման ու ընդլայնման համար։
OPEC միջազգային զարգացման հիմնադրամը 30 միլիոն ԱՄՆ դոլարի սինդիկացված վարկ է տրամադրել Evocabank-ին: Որպես A դասի վարկատու` OPEC հիմնադրամը ներդրել է 10 միլիոն ԱՄՆ դոլար իր սեփական միջոցներից և ներգրավել լրացուցիչ 20 միլիոն ԱՄՆ դոլարի B դասի ֆինանսավորում «European Fund for Southeast Europe» (EFSE) and «Green for Growth Fund» (GGF) հիմնադրամներից:
Ֆինանսավորումը կընդլայնի Evocabank-ի՝ միկրո, փոքր և միջին ձեռնարկությունների (ՄՓՄՁ) վարկավորման հնարավորությունները և կաջակցի կլիմայական պայմանների հետ կապված ներդրումների խթանմանը՝ նպաստելով Հայաստանի մասնավոր հատվածի հզորացմանը և կայուն տնտեսական աճին:
OPEC հիմնադրամի նախագահ Abdulhamid Alkhalifa-ն նշեց. «Այս գործարքը ընդգծում է OPEC հիմնադրամի ձգտումը՝ միավորելու գործընկերներին և ռեսուրսները՝ ընդհանուր զարգացմանը նպաստելու համար: Ֆինանսական միջոցներ տրամադրելով բիզնեսներին և աջակցելով կլիմայական ներդրումներին՝ մենք օգնում ենք ընդլայնել տնտեսական հնարավորությունները, խթանել աշխատատեղերի ստեղծումը և ամրապնդել Հայաստանի կայուն աճը»:
Evocabank-ի Վարչության նախագահ Կարեն Եղիազարյանը նշեց. «Մենք ուրախ ենք այս սինդիկացված վարկի միջոցով ամրապնդելու մեր համագործակցությունը OPEC հիմնադրամի և նրա գործընկերների հետ: Evocabank-ի համար մեծ պատիվ էր անցյալ տարի մասնակցել Վիեննայում կազմակերպված OPEC միջազգային զարգացման հիմնադրամի ֆորումին, որից էլ սկիզբ դրվեց մեր համագործակցությունը: Այսօր մենք ուրախ ենք տեսնել, որ մեր քննարկումները շոշափելի արդյունքներ են տալիս Հայաստանի տնտեսության համար: Այս ֆինանսական միջոցները մեզ հնարավորություն կտան` ընդլայնելու ֆինանսների հասանելիությունը տեղական բիզնեսների համար, խթանելու նորարարությունները և օժանդակելու կայուն ապագա ստեղծելուն ուղղված կանաչ ներդրումներին: Մենք կարևորում ենք Evocabank-ի հանդեպ վստահությունը և պատրաստ ենք շարունակելու համատեղ նախագծերը հանուն կայուն զարգացման»:
«Finance in Motion»-ի տարածաշրջանային տնօրեն Oxana Binzaru-ն նշեց. «Հայաստանի տնտեսությունը մի շուկա է, որտեղ երկարաժամկետ ներդրումները կարող են նպաստել և՛ տնտեսության կանաչ վերափոխմանը, և՛ մասնավոր հատվածի աճին: «EFSE»-ի և «GGF»-ի միջոցով մենք լրացուցիչ միջոցներ ենք առաջարկում՝ օժանդակելով, մի կողմից, ՄՓՄՁ զարգացմանը և մյուս կողմից՝ կլիմայական փոփոխություններին տնտեսության ադապտացիային: OPEC հիմնադրամի հետ այս նոր համագործակցությունը մի նշանակալից քայլ է՝ տարածաշրջանում խառը ֆինանսական լուծումների կիրառման շրջանակն ու նշանակությունը ընդլայնելու ուղղությամբ` միաժամանակ նպաստելով Հայաստանում նոր գործընկեր բանկի զարգացմանը»:
OPEC-ի մասին
OPEC միջազգային զարգացման հիմնադրամը համաշխարհային մասշտաբով միակ լիազորված զարգացման հաստատությունն է, որը ֆինանսական միջոցներ է տրամադրում բացառապես անդամ երկրներից ոչ անդամ երկրներին: OPEC հիմնադրամը ստեղծվել է 1976 թվականին հստակ նպատակով՝ խթանել զարգացումը, ամրապնդել համայնքները և օգնել մարդկանց: Մինչ օրս OPEC հիմնադրամը շուրջ 30 միլիարդ ԱՄՆ դոլար է հատկացրել ավելի քան 125 երկրների զարգացման նախագծերի իրականացմանը, որոնց ընդհանուր նախագծային արժեքը գերազանցել է 200 միլիարդ ԱՄՆ դոլարը:
EFSE-ի մասին
«European Fund for Southeast Europe»-ը (EFSE) սոցիալական վերափոխումներին ուղղված ներդրումային հիմնադրամ է, որի նպատակն է խթանել տնտեսական զարգացումը և մարդկանց բարեկեցությունը Հարավարևելյան Եվրոպայում և Կովկասում:
GGF-ի մասին
«Green for Growth Fund» հիմնադրամը (GGF) նպաստում է էներգախնայողությանը և վերականգնվող էներգիայի զարգացմանը Հարավարևելյան Եվրոպայում, Կովկասում, Միջին Արևելքում և Հյուսիսային Աֆրիկայում:
Finance in Motion-ի մասին
«Finance in Motion»-ը կազմակերպում, ղեկավարում և խորհրդատվություն է տրամադրում գրեթե 4 միլիարդ եվրո կապիտալ ունեցող 9 հիմնադրամի։ Նպատակն է դրական ազդեցություն ունենալ սոցիալական ոլորտի և, ընդհանուր առմամբ, ողջ մոլորակի վրա՝ տարածաշրջանային ֆինանսական միջնորդների, ուղղակի ներդրումների, խորհրդատվության և կարողությունների զարգացման միջոցով:
Evocabank-ի մասին
Հիմնադրվելով 1990թ.՝ Evocabank-ը Հայաստանում գրանցված առաջին առևտրային բանկն է, որը 35 տարվա փորձառություն ունի բանկային համակարգում: Բանկի գլխամասը Երևանում է, իսկ 13 մասնաճյուղերը՝ Երևանում և մարզերում: Evocabank-ը ֆինանսական ծառայություններ է մատուցում ֆիզիկական անձանց, ՄՓՄՁ-ներին և խոշոր ընկերություններին: Բանկն արժանացել է մի շարք միջազգային մրցանակների, այդ թվում՝ Global Finance հեղինակավոր ամսագրի կողմից «Հայաստանի ՓՄՁ լավագույն բանկ» և «Հայաստանի լավագույն թվային բանկ» մրցանակների:
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՀԿԵ-ն շեշտը դնում է սպասարկման որակի և փոխադրումների նոր ձևաչափերի վրա 
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"