Հայաստանի արտարժույթի միջբանկային շուկայում 2025թ. հոկտեմբերի 20-24-ը կրճատվել են և դոլարային, և ռուբլով գործարքները

Արմինֆո. Հայաստանի արտարժույթի միջբանկային շուկայում 2025թ. հոկտեմբերի 20-24-ը և դոլարային, և ռուբլով գործարքները կրճատվել են։ Եվրոյով գործարքներ արդեն գրեթե 5 ամիս չեն իրականացվում։ Մասնավորապես, դոլարային գործարքների միտումը ծավալվել է 37% աճից դեպի 44% անկում, ինչը դիտվել  է նաեւ ռուբլով գործարքների պարագայում, որոնց միտումը նույնպես ծավալվել է 28% աճից դեպի 48% անկում։ Դա թույլ է տվել պահպանել ռուբլով գործարքների շաբաթական ծավալի գերակայությունը դոլարով գործարքների նկատմամբ՝ խզման 1,2 անգամից մինչև 1,1 անգամ կրճատմամբ։

Դրան զուգահեռ, արտարժույթի ներբանկային շուկայում հաշվետու շաբաթվա ընթացքում (20-24.10.25-ը ' 13-17.10.25-ի համեմատ) դոլարի առքը սկսել է կրճատվել վաճառքի միտման աճի դեպքում, եվրոյով գործարքների դեպքում առքի անկումը դանդաղել է վաճառքի միտման դեպի անկում շրջադարձի դեպքում, իսկ ռուբլով գործարքներում առքուվաճառքի միտումը շրջվել է դեպի անկում:

Արդյունքում, ս.թ. հոկտեմբերի 20-24 - ը դրամը շարունակել է թուլանալ դոլարի նկատմամբ' 383,3-ից մինչև 383,5 դրամ/1դոլար, ընդ որում,  ամրապնդվել եվրոյի նկատմամբ ' 447,5-ից մինչև 445 դրամ/1եվրո, իսկ ռուբլու նկատմամբ "սառել է" 4,69 դրամ/1ռուբլի մակարդակում: Մեկ տարի առաջ ՝ 2024թ. հոկտեմբերի 24 - ին դրամի փոխարժեքը դոլարի նկատմամբ կազմել է 386,5 դրամ/1դոլար, եվրոյի նկատմամբ՝ 418 դրամ/1եվրո, իսկ ռուբլու նկատմամբ՝ 3,99 դրամ/1ռուբլի, ինչը ներկայիս փոխարժեքների համեմատ վկայում է դոլարի նկատմամբ դրամի տարեկան արժևորման և եվրոյի ու ռուբլու նկատմամբ արժեզրկման մասին ։