Արմինֆո.Եվրոպական միությունը Հայաստանին 2,9 մլն եվրո է հատկացրել հայկական կոնյակին առնչվող խնդիրները լուծելու համար: Հոկտեմբերի 27-ին այդ մասին հայտարարել է ՀՀ էկոնոմիկայի նախարար Գեւորգ Պապոյանը՝ ՀՀ Ազգային ժողովի հանձնաժողովներում ՀՀ պետական բյուջեի նախագծի շուրջ լսումների ժամանակ։
Նրա խոսքով՝ այդ միջոցներն ուղղվելու են ինչպես նոր անվանումով նոր բրենդի ձևավորմանը, այնպես էլ արտադրվող կոնյակի որակի նկատմամբ վերահսկողության բարձրացմանը: Նախարարն ընդգծել է, որ հիմնական խնդիրը հայկական կոնյակի ռեբրեդինգի իրականացումն է "բրենդիի" ներքո ։ Դրա աշխարհագրական անվան համատեքստում ներկայումս զգալի աշխատանք է տարվում։ "Այստեղ կարևոր է ոչ այնքան այդ 2,9 մլն եվրոն, որքան ԵՄ-ի ցանկությունը՝ օգնելու Հայաստանին անցնել այդ ճանապարհը։ Մենք արդեն ունենք դեպք, երբ Համաշխարհային բանկը հայտարարել է գյուղատնտեսության զարգացման համար մեզ 30 մլն դոլար տրամադրելու պատրաստակամության մասին, ինչին ի պատասխան հայկական կողմը նշել է դրամաշնորհային բաղադրիչի անհրաժեշտությունը, որի միջոցներն ուղղված կլինեն կոնյակի հարցի լուծմանը։ Այդ դեպքում Հայաստանը պատրաստ կլինի վարկ ներգրավել", - ասել է էկոնոմիկայի նախարարը։
Նա հավելել է, որ աշխարհագրական անվանման կիրառմամբ ոչ ոք չի կարող հայկական բրենդի արտադրել Հայաստանի սահմաններից դուրս։ Նախարարը նշել է, որ դեռևս 10 տարի առաջ երկրում գինու արտադրության մեջ օգտագործվում էին ֆրանսիական և իտալական խաղողի տեսակները, այսօր դրանցից զանգվածային հրաժարում է նկատվում, քանի որ երկրում պետք է արտադրվեն "Արենի", "Ոսկեհատ" և այլ գինիներ: Բրենդիի արտադրության ժամանակ հաշվի կառնվեն նաև հայկական խաղողի տեսակները և դրանց արտադրության վայրերը։
