Հայերը Վրաստան այցելությունների թվով առաջատար եռյակում են

Արմինֆո.  Հայաստանցի զբոսաշրջիկները Վրաստան այցելությունների թվով առաջատար եռյակում են։ Այդ մասին են վկայում Վրաստանի ազգային վիճակագրական ծառայության (Սակստատ) երրորդ եռամսյակի տվյալները։

Վիճակագրության համաձայն, երրորդ եռամսյակում Վրաստանի տարածք է ժամանել 3 միլիոն միջազգային ոչ ռեզիդենտ, ինչը 6,6 տոկոսով ավելի է նախորդ տարվա նույն ժամանակահատվածի համեմատ: Նրանց շրջանում ամենամեծ բաժինը կազմել են 31-50 տարեկան ճանապարհորդները՝ 40,7%: Ընդհանուր այցելություններից 2,5 միլիոնը կատարվել են միջազգային այցելուների կողմից, ինչը նույնպես 6,8 տոկոսով ավելի է, քան 2024 թվականին։ Միջազգային զբոսաշրջիկների ընդհանուր թիվը հասել է 2,2 միլիոնի (+7,6%), իսկ զբոսաշրջային ուղևորությունների թիվը՝ 2,0 միլիոնի, ինչը 9,0% - ով ավելի է, քան մեկ տարի առաջ:

Զբոսաշրջիկները Վրաստան են ժամանել, հիմնականանում, Ռուսաստանից՝ այցելուների ընդհանուր թվի 26,1% - ը, Թուրքիայից՝ 16,5% - ը, Հայաստանից՝ 11,8%: Ամենաշատ այցելվող տարածաշրջաններն են՝ Թբիլիսի ՝ 1 306,3 հազար այցելություն, Աջարիա՝ 1 274,4 հազար այցելություն։ Կեցության միջին տևողությունը կազմել է 6,3 գիշեր, ինչը 2,1% - ով ավելի է նախորդ տարվա ցուցանիշից (6,2 գիշեր): Ընդ որում, այցելությունների 73,3 տոկոսը կրկնակի բնույթ է կրել, հաղորդում է "Գրուզիա օնլայնը"։