Փորձագետ․ ԱԲ-ը կփոխարինի ոչ թե մարդկանց, այլ նրանց, ովքեր չեն օգտագործում ԱԲ

Արմինֆո.Արհեստական բանականությունը (ԱԲ) կփոխարինի ոչ թե մարդկանց, այլ նրանց, ովքեր չեն օգտագործում ԱԲ: Նման կարծիք է հայտնել TCF ներդրումային ընկերության համահիմնադիր Մարիամ Համբարձումյանը՝ «HR․ Մարդկային ներուժի դերը 21-րդ դարի երկրորդ քառորդում. ծառացած խնդիրների արդիականության նոր դարաշրջան» պանելային քննարկման ժամանակ, որն անցկացվում է FinnoWay Armenia 2025 միջազգային PLUS համաաժողովի շրջանակներում։

Նա նշել է, որ այսօր դժվար է լիովին զգալ այն փոփոխությունները, որոնք տեղի են ունենում ։ "Սա հեղափոխություն է, որը չի եղել մարդկության պատմության մեջ, եւ այսօր աշխարհում չկա մեկը, ով լիովին հասկանա, թե կոնկրետ ինչ փոփոխություններ են սպասվում", - նշել է Համբարձումյանը: TCF-ի համահիմնադիրի խոսքով՝ այսօր անհրաժեշտ է գիտակցել դա և շարունակել զարգանալ: Մինչ այժմ, նրա կարծիքով,  սարսափելի ոչինչ տեղի չի ունեցել և չի փոխվել, բայց 5 տարի անց վերափոխումները կլինեն տեկտոնական:

Պանելային քննարկման ընթացքում Data Art ընկերության տնօրենի տեղակալ, HR տնօրեն Իշխան Մարգարյանը նշել է, որ արհեստական բանականության ներդրումից հետո աշխատանքային շուկան ավելի արդյունավետ է դարձել: "Նախկինում այն, ինչ մենք անում էինք 2 ժամվա ընթացքում, այսօր հնարավոր է անել 2-10 րոպեում։ Կարելի է ասել, որ մենք գնում ենք դեպի ավելի լավ կյանք", - նշել է նա։

Սակայն, փորձագետի կարծիքով, ԱԲ-ի հետ կապված բոլոր գործընթացներին պետք է նայել ոչ թե "սեփական զանգակատնից", այլ իջնել այնտեղից և, օրինակ, գնալ դեպի գյուղեր, որտեղ մարդիկ ակտիվորեն զբաղվում են գյուղատնտեսությամբ: "Մենք միանշանակ կարող ենք տեսնել, որ կյանքն այնքան արագ չի փոխվի, որքան մենք պատկերացնում ենք։ ԱԲ-ը դեռ շուտով չի փոխի մեր իրականությունը: Եվ առաջիկա 10 տարիների ընթացքում նման խիստ դրամատիկ փոփոխություններ անձամբ ես չեմ ակնկալում", - ընդգծել Է Մարգարյանը։

Ամերիաբանկի People Platform պրոդուկտի ղեկավար Վահան Մելքումյանը նշել է, որ գործընթացների արագության, դինամիկայի, հնարավորությունների և կարողությունների փոփոխությունից հետո անփոփոխ կմնա մարդու դերը:

"Ինչ էլ որ տեղի ունենա, մարդը կլինի այդ իրադարձությունների էպիկենտրոնում, քանի որ բոլոր փոփոխություններն առնչվում են մեր կյանքին", - նկատել է նա:

Մելքումյանը նշել է, որ այսօր մարդուն անհրաժեշտ է հարմարվել, սովորել և օգտվել բոլոր այն հնարավորություններից, որոնք առաջարկում են այդ փոփոխությունները:

"Հաճախ ենք խոսում ԱԲ-ի ռիսկերի մասին, բայց չպետք է մոռանալ նաև բազմաթիվ հնարավորությունների մասին, որոնցից կարելի է օգտվել", - եզրափակել է նա:

Նշենք, որ FinnoWay Armenia 2025 միջազգային համաժողովը կազմակերպվում է ՀՀ Կենտրոնական բանկի աջակցությամբ: Համաժողովի կազմակերպիչներն են ռուսական PLUS Group ընկերությունը և Armenian Card ազգային վճարային համակարգը:

FinnoWay Armenia 2025 PLUS համաժողովը նվիրված է թվայնացման, պետական կառույցների, ֆինանսական հատվածի, առևտրային ռիթեյլի, ՏՏ և հեռահաղորդակցության ինդուստրիայի փոխգործակցության առանցքային հարցերին:

Համաժողովի մասնակիցները կքննարկեն Հայաստանի ֆինանսական հատվածի ժամանակակից միտումները և զարգացումը, նորարարության և աճի համար Հայաստանի հուսալի թվային հիմքերի ստեղծումը, ժամանակակից կառավարման ոլորտում թվային վստահության թեման ՝ ինչպես են ԱԲ-ը և ամպը փոխում պետական ծառայությունները, թրաստային ծառայությունների միջոցով ֆինանսական հատվածի աջակցության հարցերը: