Հայաստանն ու Օմանը մտադիր են ավելացնել փոխադարձ զբոսաշրջային հոսքը

Արմինֆո.  Նոյեմբերի 11-ին կայացել է ՀՀ ԷՆ Զբոսաշրջության կոմիտեի նախագահ Լուսինե Գևորգյանի և Օմանի նախարար Սալիմ Մոհամեդ Ալ Մահրուքուիի հանդիպումը։

Զբոսաշրջության կոմիտեի հաղորդագրության համաձայն,  կողմերը քննարկել են Հայաստանի և Օմանի միջև զբոսաշրջության զարգացման հնարավորությունները և վերջին տարիների դրական միտումները։

Հաստատվել է, որ քաղաքացիները կարող են միմյանց երկիր այցելել առանց վիզայի, ինչը խթանում է զբոսաշրջային հոսքերը։ Առանձնացվել է ուղղակի չվերթների մեկնարկի կարևորությունը՝ զբոսաշրջության աճի համար։ Ներկայացվել է Հայաստանի առաջընթացը կայուն զբոսաշրջության ոլորտում․ Green Key սերտիֆիկացված հյուրանոցներ՝ Armenia Marriott և Holiday Inn Yerevan – Republic Square։

Նախարար Ալ Մահրուքուին և Օմանի մասնավոր հատվածի ներկայացուցիչներին հրավիրել են մասնակցելու Միջազգային զբոսաշրջային ցուցահանդեսին, (Երևան, նոյեմբերի 21–23), ինչպես նաև Տոնածառի լուսավորման արարողությանը, (դեկտեմբերի 13-ին, Երևանում)։

Նշենք, որ ըստ ՀՀ վիճակագրական կոմիտեի տվյալների ՝ 2025թ. հունվար-սեպտեմբեր ամիսներին Օմանից Հայաստան է այցելել 1 467 զբոսաշրջիկ, ինչը 23.2% - ով ցածր է մեկ տարվա վաղեմության ցուցանիշից ։