Արմինֆո. Նոյեմբերի 14-ին 0ՀՀ ԷՆ Զբոսաշրջության կոմիտեի նախագահ Լուսինե Գևորգյանը հանդիպել է Հայաստանում Ուրուգվայի Արևելյան Հանրապետության դեսպան Ն. Գ. տկն. Սիլվանա Լեսկա Բարոլինի հետ։
Զբոսաշրջության կոմիտեի հաղորդագրության համաձայն, հանդիպման ընթացքում կողմերը քննարկել են զբոսաշրջության ոլորտում համագործակցության խորացման հնարավորությունները՝ ներկայացնելով ընթացիկ ծրագրերը և ոլորտային զարգացումները։
Քննարկվել են հետևյալ ուղղությունները․ երկու երկրներում զբոսաշրջային ներուժի ներկայացումը և մարքեթինգային նախաձեռնությունների վերաբերյալ իրազեկվածության բարձրացումը; Հայաստանի և Ուրուգվայի զբոսաշրջային գործակալությունների միջև կապերի հաստատում, ներառյալ՝ առցանց վեբինարների կազմակերպումը; զբոսաշրջության ոլորտում երկարաժամկետ համագործակցության ընդլայնման հնարավորությունները; երկու երկրների միջև ուղիղ չվերթների անհրաժեշտությունը և դրա կարևորությունը զբոսաշրջային հոսքերի աճի համար։ Հանդիպման ավարտին կողմերը շեշտել են համագործակցության շարունակականության ու ամրապնդման կարևորությունը։
Նշենք, որ ըստ ՀՀ վիճակագրական կոմիտեի տվյալների, հունվար-սեպտեմբեր ամիսներին Հայաստան է այցելել 124 զբոսաշրջիկ Ուրուգվայից, ինչը նախորդ տարվա ցուցանիշից բարձր է 65.3% - ով:
