Արմինֆո.ՀՀ էկոնոմիկայի նախարար Գևորգ Պապոյանը նոյեմբերի 28-ին Թուրքիայի Հանրապետության Ստամբուլ քաղաքում մասնակցել է "Zero Waste Forum" («Զրոյական թափոններ») համաշխարհային համաժողովի բացման արարողությանը։
Համաժողովը միավորել էր գյուղատնտեսության ոլորտը համակարգող շուրջ երկու տասնյակ նախարարների, ինչպես նաև այլ բարձրաստիճան պաշտոնյաների և քաղաքականություն մշակողների՝ նպատակ ունենալով խթանել «զրոյական թափոնների» գաղափարը համաշխարհային մակարդակով։
ՀՀ էկոնոմիկայի նախարարության հաղորդագրության համաձայն, միջոցառման ընթացքում Գևորգ Պապոյանը զրույցներ է ունեցել Թուրքիայի, Իրանի, Ադրբեջանի, Մոլդովայի և Իրաքի գյուղատնտեսության նախարարների հետ։
Նշենք, որ Zero Waste-ը սկզբունքների համահավաք է, որոնք նպատակաուղղված են նվազագույնի հասցնելու աղբի քանակը՝ բազմակի օգտագործման առարկաների եւ իրերի միջոցով։ Zero Waste-ի նպատակն է աղբավայրեր աղբի ուղարկման դադարեցումը։ Ներկայումս պլաստիկի միայն 9 % - ն է կրկնակի վերամշակման ենթարկվում: Zero waste համակարգով նյութը օգտագործվում է մինչեւ սպառման օպտիմալ մակարդակ։ Zero waste International Alliance (ZWIA) միջազգային միավորման կողմից ստեղծված սահմանում։
