Հայաստանում երկնիշ տեմպերով կրճատվում է գինու և կոնյակի արտադրությունը

Արմինֆո.2025 թվականի 10 ամիսների ընթացքում Հայաստանում գինու և կոնյակի (բրենդիի) արտադրության ծավալները երկնիշ տեմպերով նվազում են։ Այդ մասին են վկայում ՀՀ վիճակագրական կոմիտեի տվյալները։

Մասնավորապես, հաշվետու ժամանակահատվածում Հայաստանում արտադրվել է 5,6 մլն լիտր գինի (տարեկան 31% անկմամբ), իսկ կոնյակի լիտրաժը կազմել է 10,9 մլն լիտր (տարեկան 33,2% անկմամբ):

Կրճատվել են նաև վիսկիի թողարկման ծավալները՝ 8,4%-ով՝ մինչև 3,8 մլն լիտր։

Դրան զուգընթաց՝ արտահայտված տեմպերով աճում են օղու, լիկյորի եւ այլ սպիրտային խմիչքների արտադրության ծավալները՝ 36,5 տոկոսով՝ մինչեւ 1,4 մլն լիտր, փրփրուն գինու (շամպայնի) արտադրության ծավալները՝ տարեկան 14,6 տոկոսով՝ մինչեւ 962,5 հազար լիտր, եւ գարեջրի արտադրության ծավալները՝ 11,3 տոկոսով՝ մինչեւ 28,2 մլն լիտր։