Արմինֆո. Supermicro-ի բիզնեսի զարգացման փոխնախագահ Նենսի Լիի գլխավորած պատվիրակության հետ հանդիպման ժամանակ ՀՀ բարձր տեխնոլոգիական արդյունաբերության նախարար Մխիթար Հայրապետյանը հայտնել է Հայաստանի շահագրգռվածությունը բարձր տեխնոլոգիական ընկերություններ ներգրավելու և ներդրումային ծրագրեր իրականացնելու հարցում։
Նախարարության մամուլի ծառայության հաղորդմամբ՝ Հայրապետյանը անդրադարձել է արհեստական բանականության ոլորտում իրականացվող նախաձեռնություններին, ներկայացրել դրանց մասշտաբները և զարգացման ռազմավարական մոտեցումները, ինչպես նաև կառավարության ներկայիս աշխատանքը և ապագա մարտահրավերները։
Նա նաև քննարկել է վերջերս ընդունված օրենսդրական փաթեթը, որը նախատեսում է յոթ տարվա պետական աջակցություն՝ ուղղված նոր աշխատատեղերի ստեղծմանը, կրթության ոլորտում ներդրումներ կատարելուն և հետազոտություններին ու զարգացումներին (R&D) խթանող ծրագրերին։
Supermicro-ի ներկայացուցիչները, իրենց հերթին, ներկայացրել են ընկերության գործունեության հիմնական ոլորտները և ներդրումային քաղաքականությունը՝ մեջբերելով արհեստական բանականության վրա հիմնված տեխնոլոգիաների կիրառման իրենց փորձը և այս ոլորտում համագործակցության հնարավորությունները։ Վերջիններս բարձր են գնահատել Հայաստանի ներուժը որպես տարածաշրջանային տեխնոլոգիական կենտրոն։
Քննարկումը կենտրոնացած էր Supermicro-ի ներդրումային հնարավորությունների վրա Հայաստանում, այդ թվում՝ ընդլայնման հեռանկարների և երկրի տեխնոլոգիական լանդշաֆտում ներդրումային ծրագրերի վրա։ Քննարկվեցին նաև արհեստական բանականության ներդրման և կիրառման ոլորտում համագործակցության հնարավորությունները, ինչպես նաև այս ոլորտում ՀՀ կառավարության նախաձեռնությունները։
Supermicro-ն (Super Micro Computer, Inc.) ամերիկյան ընկերություն է, որը հիմնադրվել է 1993 թվականին և համաշխարհային առաջատար է բարձր արդյունավետությամբ, էներգաարդյունավետ սերվերային սարքավորումների ոլորտում, ներառյալ սերվերներ, մայրական սալիկներ, պահեստավորման համակարգեր և ՏՏ ենթակառուցվածքներ՝ արհեստական բանականության, ամպային հաշվարկների, մեծ տվյալների և 5G-ի համար։
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները