Արմինֆո. Հետվճարի համակարգից օգտվել է 378 հազար քաղաքացի, որը կազմում է բոլոր շահառուների 57% - ը: Այդ մասին հունվարի 9-ին կայացած մամուլի ասուլիսի ժամանակ հայտարարել է ՀՀ աշխատանքի եւ սոցիալական հարցերի նախարար Արսեն Թորոսյանը։
Նա ընդգծել է, որ այդ ծրագրի իրականացումն ամենևին էլ պատահական չէ և ունի 2 նպատակ։ "Առաջինը՝ թույլ տալ մեր քաղաքացիներին ավելի բարձր կենսաթոշակներ ստանալ, երկրորդը՝ դուրս գալ ստվերային տնտեսությունից։ Այսինքն, դա win-win որոշում է", - նշել Է գերատեսչության ղեկավարը։
Թորոսյանը հիշեցրել է, որ հետվճարի շեմը կառավարության որոշմամբ բարձրացվել է 12% - ից մինչև 20%, քանի որ իշխանություններն այս գործիքն արդյունավետ են համարում: Ընդ որում, նախարարը չի բացառել, որ ապագայում այդ շեմը կրկին կվերանայվի։
