Արմինֆո. Ադրբեջանից Հայաստան է ուղարկվել նավթամթերքի հերթական խմբաքանակը, հաղորդում է թուրքական «Անադոլուն»՝ հղում անելով ադրբեջանական լրատվամիջոցներին։
Հաղորդագրության համաձայն՝ կիրակի՝ հունվարի 11-ին, Բիլաջարի կայարանից Բոյուկ Քեսիկի ուղղությամբ մեկնել է 18 վագոնից բաղկացած գնացք, որը բեռնված է եղել 979 տոննա AI-92 շարժիչային բենզինով։ Բեռը Վրաստանի տարածքով կհասցվի Հայաստան։
2026 թվականի հունվարի 9-ին Բիլաջարի կայարանից Հայաստան է ուղարկվել 1742 տոննա AI-95 բենզին և 956 տոննա դիզելային վառելիք՝ ընդհանուր առմամբ 2698 տոննա (ընդհանուր 48 վագոն)։
Նախկինում՝ 2025 թվականի դեկտեմբերի 18-ին, Հայաստան է ուղարկվել 1220 տոննա AI-95 շարժիչային վառելիք։
Վառելիքի մատակարարման վերաբերյալ համաձայնություն է ձեռք բերվել նոյեմբերի 28-ին Գաբալայում՝ Ադրբեջանի և Հայաստանի փոխվարչապետներ Շահին Մուստաֆաևի և Մհեր Գրիգորյանի միջև հանդիպումից հետո։
Ավելին, անցյալ տարվա նոյեմբերին Ղազախստանից և Ռուսաստանից հացահատիկ է մատակարարվել նաև Հայաստան՝ Ադրբեջանի միջոցով։
