Արմինֆո. Մայրաքաղաքում 1 մլրդ դոլար ընդհանուր գումարի 18 ներդրումային ծրագիր է իրականացվում: Այդ մասին Երևանի քաղաքապետարանում աշխատանքային խորհրդակցության ժամանակ հաղորդել է քաղաքապետի խորհրդական Անետա Բաբայանը:
Նրա խոսքով՝ այդ աշխատանքը համակարգում է "Երեւանի կառուցապատման ներդրումային ծրագրերի իրականացման գրասենյակը" ։ Մասնավորապես, ինչպես ընդգծել է Բաբայանը, իրականացվում է 4 հասարակական նշանակության շենքերի կառուցապատման ծրագիր, ճանապարհային ենթակառուցվածքների բարելավման 6 նախագիծ, տրանսպորտի եւ մետրոյի որակի բարձրացման 4 նախագիծ։ Նախագծում ներառված են նաև 2 հատուկ և 2 քաղաքային զարգացման և վերանորոգման ծրագրեր: 660 մլն դոլարի ամենախոշոր նախագիծը տրանսպորտի և մետրոյի զարգացման ծրագրերն են։ Ճանապարհային ենթակառուցվածքի զարգացմանը նախատեսվում է ուղղել 205 մլն դոլար։ Նախագծի շրջանակներում նախատեսվում է կառուցել Ալբերտ Ազարյանի անվան օլիմպիական հերթափոխի մանկապատանեկան մարզադպրոց, որին նախատեսվում է ուղղել 4,9 մլրդ դրամ: Էներգաարդյունավետության բարձրացման ծրագրի իրականացման համար Եվրոպական ներդրումային բանկից և ԵՄ-ից կներգրավվի 37,1 մլն եվրո: Ընդհանուր առմամբ, նածագծում կներգրավվի 39 մանկապարտեզ։
Շենգավիթում նախատեսվում է կառուցել նոր տրանսպորտային հանգույց (էստակադա), որին ՀՀ պետական բյուջեից կուղղվի 1,8 մլրդ դրամ։ Բացի այդ, Ասիական զարգացման բանկի 85,67 մլն դոլար վարկային միջոցներով կիրականացվի քաղաքային զարգացման և վերանորոգման ծրագիրը: Այս դեպքում խոսքը Իսակովի փողոցից դեպի Արշակունյաց փողոց նոր ճանապարհի կառուցման մասին է։
Ներդրումային ծրագրի մեջ են մտնում նաև մետրոյի "Աջափնյակ" և "Սուրմալու" կայարանների կառուցման նախագծերը։ Այդ նախագծերից առայժմ գնահատվել է միայն մետրոյի "Աջափնյակ" կայարանի կառուցման ծրագիրը՝ 98 մլրդ դրամ։ Ինչ վերաբերում է մետրոյի "Սուրմալու" կայարանին, ապա այն նախագծային աշխատանքների գնահատման փուլում է:
