Հայաստանը կմնա ԵԱՏՄ-ում՝ քանի դեռ դա համատեղելի կլինի ԵՄ անդամ լինելու նրա ցանկության հետ. ՀՀ վարչապետ

Արմինֆո.  Հայաստանը ցանկանում է լինել Եվրամիության լիիրավ անդամ և կմնա ԵԱՏՄ-ում՝ քանի դեռ համատեղելիությանն առնչվող խնդիրներ չեն ծագել։ Այդ մասին հունվարի 14-ին հայտարարել է Հայաստանի վարչապետ Նիկոլ Փաշինյանը՝ «Հայաստանը և խաղաղությունը ռիսկերի ու հնարավորությունների խաչմերուկում» խորագրով լիագումար քննարկման ընթացքում, որը տեղի է ունեցել Միջազգային և անվտանգության հարցերի հայկական ինստիտուտի XV անվտանգային ֆորումի շրջանակում:

Փաշինյանը հիշեցրել է, որ նախորդ տարի խորհրդարանն օրենք է ընդունել ԵՄ-ին անդամակցության գործընթացի մեկնարկի մասին: Այդ առնչությամբ Երևանի ներկայիս ռազմավարությունն այն է, որ երկիրը պետք է հստակ քայլերով շարժվի ԵՄ չափորոշիչներին համապատասխանելու ճանապարհով։ Հենց  որ դա տեղի ունենա, քաղաքական որոշում կայացնելու հարց կառաջանա, հավելել է Փաշինյանը։

«Հայաստանին կարող են ընդունել ԵՄ, կարող են եւ չընդունել։ Բայց երկու դեպքում էլ երկիրը շահում է։ Առաջին դեպքում մենք կդառնանք ԵՄ լիիրավ անդամ, երկրորդ դեպքում ՝ ժամանակակից առաջադեմ չափորոշիչներին համապատասխանող երկիր», - նշել է նա։

Միեւնույն ժամանակ, ինչպես ընդգծել է նա, Երեւանն իրեն հաշիվ է տալիս այն բանում, որ երկիրը չի կարող միաժամանակ լինել ԵՄ եւ ԵԱՏՄ անդամ։ Սակայն, տվյալ պահին ստեղծվել է մի իրավիճակ, երբ "այս կետում" առայժմ համատեղելիության խնդիր չկա. Հայաստանը կարող է լինել ԵԱՏՄ անդամ և հավակնել ապագայում ԵՄ անդամակցության:

«Հետևաբար, քանի դեռ այդ համատեղելիությունը հնարավոր կլինի, Հայաստանը կմնա ԵԱՏՄ- ում։ Հենց որ անհամատեղելիություն առաջանա, մենք ՀՀ քաղաքացիների հետ համատեղ կկայացնենք որոշում, որը կբխի ՀՀ ժողովրդի ազատ կամարտահայտությունից», - հայտարարել է Նիկոլ Փաշինյանը:

Ավելի վաղ Մոսկվան փոխվարչապետ Ալեքսեյ Օվերչուկի մակարդակով հայտարարել էր, որ Եվրամիությանն անդամակցելու գործընթացի մեկնարկի մասին Երևանի որոշումը դիտարկում է որպես Եվրասիական տնտեսական միությունից Հայաստանի դուրս գալու սկիզբ: 2025 թվականի դեկտեմբերին Օվերչուկը նշել էր, որ Հայաստանն ինչ-որ փուլում պետք է վերջնականապես կողմնորոշվի ԵԱՏՄ-ի և ԵՄ-ի միջև։