«Միասնության թեւեր»․ Հայաստանին պետք է արտադրող և արտահանող մոդելի տնտեսություն

Արմինֆո. Հայաստանը պետք է դուրս գա սպառման և ներմուծման փակ շրջանից և կառուցի արտադրող, արտահանող ու ինստիտուցիոնալ պաշտպանված ազգային տնտեսություն։ Սա է Հայաստանի նախկին օմբուդսմեն Արման Թաթոյանի  «Միասնության թեւեր» նախաձեռնության տնտեսական քաղաքականության հիմնական ուղերձը, ասվում է ԱրմԻնֆո-ին տրամադրվախ հաղորդագրությունում։

Այդ առնչությամբ «Միասնության թեւեր»-ը համեմատել է իր տնտեսական քաղաքականությունը վերջերս Հայաստանի կառավարության հրապարակած «Հայաստանի տնտեսական և ինստիտուցիոնալ վերափոխման դոկտրին»-ի հետ։ «Հայաստանի զարգացման խնդիրները պահանջում են ոչ թե միայն ընդհանուր փիլիսոփայություն, այլ՝ հստակ տնտեսական մոդել, արդյունաբերական վերափոխման ճարտարապետություն, հարկային-ֆիսկալ նոր համակարգ, աշխարհաքաղաքական ռիսկերի հաշվարկված կառավարում, չափելի նպատակներ և կառավարման պատասխանատվություն», - ընդգծել են նախաձեռնությունում։

Հիշեցնենք, որ ՀՀ կառավարությունը հունվարի 8-ի նիստում հաստատել է "Հայաստանի տնտեսական և ինստիտուցիոնալ վերափոխման դոկտրինը": Փաստաթուղթը ներկայացրել է ինքը ՝ վարչապետ Նիկոլ Փաշինյանը։ Օրենսդրական ակտի ընդունումը, ինչպես նշվում է, ենթադրում է տնտեսական եւ ինստիտուցիոնալ քաղաքականության մասնատման վերացում, երկարաժամկետ, հեռանկարային եւ հստակ սկզբունքների ամրագրում, ծրագրերի եւ ենթածրագրերի միասնական կառուցվածքային համակարգի ստեղծում ՝ դրանով իսկ ապահովելով պետական քաղաքականության հեռանկարային, համակարգային եւ կանխատեսելի բնույթը: Նախագծի ընդունման եւ դրա դրույթների իրականացման արդյունքում ակնկալվում է, որ տնտեսական քաղաքականությունը ձեռք կբերի հեռանկարային եւ համակարգային բնույթ; քաղաքականության կանխատեսելիությունը եւ ներդրումային միջավայրի նկատմամբ վստահությունը կբարձրանան; կձեւավորվի ծրագրերի եւ ենթածրագրերի միասնական համակարգ; կամրապնդվի պետական կառավարման արդյունավետությունն ու հաշվետվողականությունը; կբարձրանա Հայաստանի տնտեսական եւ անվտանգային կայունությունը: