Արմինֆո. Հայաստանում մտադիր են ներդնել հետադարձ հիփոթեքի ինստիտուտ՝ թոշակառուի բնակարանի մոնետիզացման մեխանիզմ։ Այդ մասին հունվարի 19-ին կայացած մամուլի ասուլիսի ժամանակ հաղորդել է ՀՀ կադաստրի կոմիտեի նախագահ Սուրեն Թովմասյանը։
Հետադարձ հիփոթեքը նախատեսված է լինելու տարեց մարդկանց համար, ովքեր սեփական բնակարան ունեն: Կենսաթոշակառուն իր բնակարանը գրավ է դնում բանկում, բայց մնում է սեփականատեր և պահպանում է բնակության իրավունքը: Նա բանկից ամսական վճարումներ է ստանում մինչև մահանալը: Դրանից հետո հիփոթեքը ավարտվում է, իսկ վարկային կազմակերպությունը վերցնում է բնակարանը։
Ինչպես է դա տեղի ունենալու: Այսպես․ եթե կենսաթոշակառուն որոշում է իր բնակարանը բանկին հանձնել հետադարձ հիփոթեքի, նա հրավիրում է անկախ գնահատողի։ Վերջինս որոշում է անշարժ գույքի շուկայական արժեքը, որից հետո պետությունը հավաստիացվում է գնահատման արժանահավատության մեջ, և հիփոթեքի առարկան բանկին առաջարկվում է որպես գրավ:
"Դա կենսաթոշակառուին թույլ կտա ոչ թե վաճառել իր ունեցվածքը եւ տեղափոխվել այլ վայր ՝ իր սոցիալական խնդիրները լուծելու համար, այլ՝ շարունակել ապրել իր տանը եւ ստանալ ցմահ վարձավճար", - նշել է Կոմիտեի ղեկավարը:
