Արմինֆո. Թուրքիայի հետ սահմանի բացումը դրական ազդեցություն կունենա տնտեսության վրա։ Նման կարծիք է հայտնել "Մեր ձեւով" շարժման համակարգող Նարեկ Կարապետյանը՝ հունվարի 20-ին տեղի ունեցած միջոցառման ժամանակ, որը նվիրված էր ռուսաստանահայ գործարար, բարերար, «Տաշիր» ԸԽ ղեկավար Սամվել Կարապետյանի տնտեսական առաջնահերթությունների ներկայացմանը, ով նախօրեին գրանցել էր "Ուժեղ Հայաստան" քաղաքական կուսակցությունը:
Այդ առնչությամբ նա նշել է Թուրքիայի տարածքով եվրոպական շուկայի ուղղությամբ բեռնափոխադրումների իրականացման հնարավորությունները։ «Այսինքն, դա մեզ թույլ կտա շատ արագ բեռնափոխադրումներ իրականացնել դեպի Հունաստան, Եվրոպա ՝ մեր մշակութային գոտի։ Ամեն դեպքում, մենք եվրոպական քրիստոնեական մշակույթի մի մասն ենք, թեկուզ՝ որոշ տարբերություններով», - նշել է Կարապետյանը։
Միաժամանակ, նա ընդգծել է, որ անկախությունը պետությանը տալիս է սեփական շուկան կառավարելու գործիքակազմ, և կարևորել ինքնիշխան քաղաքականությունը: «Ինքնիշխան քաղաքականությունը պետք է թույլ տա ներքին մեխանիզմներով զսպել ազգային շահերի բախման հետ կապված խնդիրները: Թուրքերի հետ համագործակցելիս մենք պետք է ուշադիր լինենք, որպեսզի լիովին չընկնենք նրանց տնտեսական ազդեցության տակ, ինչից կարող է լրջորեն տուժել մեր գյուղատնտեսությունը, և տեղի չտանք նրանց մշակութային նարատիվներին, որոնք առաջ են քաշվում որոշակի շրջանակների կողմից", - ասել է նա։
Շարժման համակարգողը հույս է հայտնել, որ ժամանակի ընթացքում Թուրքիայում մեծ փոփոխություններ կլինեն, և ժողովուրդների միջև հարաբերությունները կբարելավվեն, իսկ հարևանների միջև ծագող խնդիրները կլուծվեն արդարացիորեն: "Եթե մենք պետք է ապրենք միմյանց կողքի, իսկ այլընտրանք չկա, ապա պետք է լավ հարաբերություններ ունենալ, գիտակցելով, որ կիսում ենք ընդհանուր տարածաշրջանը, եւ հաշվի առնել նրա շահերը", - ասել է Կարապետյանը:
Հիշեցնենք, որ երեկ հայտնի դարձավ, որ Թուրքիան վերականգնում է Հայաստանի հետ սահմանին գտնվող "Ալիջան" անցակետը՝ երրորդ երկրների քաղաքացիների և դիվանագիտական անձնագրեր ունեցող անձանց համար: Երևանի և Անկարայի միջև համապատասխան պայմանավորվածություն էր ձեռք բերվել դեռ 2022 թվականի ամռանը։
Տեղեկատվական անվտանգության փորձագետը թվարկել է Հայաստանի պետական համակարգում ԱԲ ներդրման հնարավոր ռիսկերը ՝ անվտանգության մեխանիզմների բացակայության պայմաններում
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները