Արմինֆո.
Տեղաբաշխումը մեկնարկել է 2026թ օգոստոսի 10-ին, եւ նախատեսվում է այն ավարտել դեկտեմբերի 30-ին։
Այս տրանշի շրջանակներում (AMFSCRB2SER6) թողարկվել է 130 հազար պարտատոմս՝ յուրաքանչյուրը 100 000 ՀՀ դրամ անվանական արժեքով։ Արժեկտրոնի տոկոսադրույքը՝ 10,25%, վճարման պարբերականությունը՝ կիսամյակային։ Արժեթղթի տարբերակիչ ծածկագիրը՝ AMFSCRB2SER6: Արժեկտրոնի վճարման հստակ օրերը՝ 2027թ․ փետրվարի 10, օգոստոսի 10, 2028թ․ փետրվարի 10 և օգոստոսի 10։ Պարտատոմսերի մարման օրն է 2028թ․ օգոստոսի 10-ը։
Թողարկվող պարտատոմսերը կարելի է ձեռք բերել ոչ միայն «Ֆասթ Բանկի» 24/7 մասնաճյուղերում, այլ նաև հեռավար տարբերակով՝ Fast Bank Mobile հավելվածի կամ Ֆասթի առցանց բանկինգի միջոցով։
Բանկի հաղորդագրությունում նշվում է, որ պարտատոմսերից ստացվող եկամուտն ազատված է եկամտային հարկից մինչև 2027թ․ դեկտեմբերի 31-ը ներառյալ։
Այս թողարկման վերաբերյալ ավելի մանրամասն տեղեկատվությունը ներկայացված է թողարկման ազդագրում և «Ֆասթ Բանկի» կայքում հրապարակված վերջնական պայմաններում՝ https://www.fastbank.am/hy/individual/deposits հղումով։
ԱրմԻնֆո-ի պատրաստած Հայաստանի բանկերի ֆինանսական վարկանիշի 30.06.2026 թ. տվյալների համաձայն, «Ֆասթ Բանկը» ցուցադրում է վարկային ներդրումների և ներգրավված միջոցների (ժամկետային ավանդներ և ցպահանջ պարտավորություններ) տարեկան ամենամեծ աճը, ընդ որում, այդ ցուցանիշներով զբաղեցնելով համապատասխանաբար 7-րդ, 8-րդ և 10-րդ հորիզոնականները:
Մասնավորապես, «Ֆասթ Բանկը»-ի վարկային ներդրումների ծավալը կազմել է 454.2 մլրդ դրամ (1.2 մլրդ դոլար, տարեկան աճը' 71.4%), ժամկետային ավանդներինը' 218 մլրդ դրամ (592.7 մլն դոլար, տարեկան աճը' 64.6%), ցպահանջ պարտավորությունները' 135.3 մլրդ դրամ (367.7 մլն դոլար, տարեկան աճը' 2.6 անգամ): Ընդ որում, կոնկրետ ֆիզիկական անձանց ավանդները (ցպահանջ եւ ժամկետային) «Ֆասթ Բանկ»-ում տարեկան կտրվածքով աճել են 76,6 տոկոսով ՝ կազմելով 193,5 մլրդ դրամ (526 մլն դոլար)։ Ընդ որում, բանկերից եւ այլ ֆինանսական կազմակերպություններից ներգրավված վարկերի ծավալը մեկ տարվա ընթացքում աճել է չնչին 1,4 տոկոսով ՝ կազմելով 57,5 մլրդ դրամ (156,4 մլն դոլար ՝ 13-րդ հորիզոնական)։
2026 թվականի առաջին կիսամյակը «Ֆասթ Բանկն» ավարտել է 2 մլրդ դրամ զուտ շահույթով (5.4 մլն դոլար՝ նախավերջին 16-րդ դիրքը)՝ տարեկան կտրվածքով կրճատելով այն 41% - ով, և սա շուկայում անկման ամենամեծ տեմպն է։ Ուշադրություն դարձնենք, որ բանկի վարկային պորտֆելում ավելի քան 60%-ը բաժին է ընկնում մանրածախ վարկավորմանը (5 - րդ դիրք ըստ ծավալի), մոտ 28%-ը՝ կորպորատիվ վարկավորմանը (13 - րդ դիրք ըստ ծավալի), գրեթե 8% - ը՝ միջբանկային վարկավորմանը։ Վերջին մեկ տարվա ընթացքում «Ֆասթ Բանկը» երկու անգամ համալրել է կանոնադրական կապիտալը ՝ 2025թ. IV եռամսյակում և 2026թ. II եռամսյակում, համապատասխանաբար, 6 մլրդ և 5 մլրդ դրամով ՝ ապահովելով տարեկան 27,4% աճ և ամրապնդվելով 8-րդ հորիզոնականում ըստ կանոնադրական հիմնադրամի չափերի՝ 51.1 մլրդ դրամ (138.9 մլն դոլար)։ Դա «Ֆասթ Բանկի» կանոնադրական կապիտալի մասնաբաժինն ընդհանուր կապիտալում հասցրել է 56,4 տոկոսի։ Նշենք, որ «Ֆասթ Բանկը» բանկի կարգավիճակով Հայաստանում գործում է 2022թ. սեպտեմբերից․ մինչ այդ ՝ 2011թ. հոկտեմբերից, գործելով որպես Fast Credit Capital ունիվերսալ վարկային ընկերություն (այն ժամանակ զբաղեցնելով 3-րդ հորիզոնականը ըստ վարկային պորտֆելի)։
Հատկանշական է «Ֆասթ Բանկի» մասնակցության փաստը Firebird ընկերության մեգանախագծի ֆինանսավորման սինդիկատում ՝ տարածաշրջանում (Հրազդան քաղաքում) NVIDIA DSX AI բազայի վրա հիմնված արհեստական բանականության գործարանի ստեղծման եւ բացման գործում։ Սինդիկատում ընդգրկվել են Արդշինբանկը, ԱԿԲԱ Բանկը, Էվոկաբանկը, «Ֆասթ Բանկ»-ը, C-Quadrat Ampega Asset Management Armenia եւ Amundi-ACBA Asset Management Fund -ը ՝ Firebird-ին տրամադրելով 300 մլն դոլար ֆինանսավորում: "AI Factory" նախագծի ստեղծման առաջին փուլում ներդրումների ընդհանուր ծավալը կազմել է 450 մլն դոլար։
