Արմինֆո.Արժույթի միջազգային հիմնադրամը (ԱՄՀ) 2026 թվականի համար Հայաստանում կանխատեսում է ՀՆԱ-ի 5,3% աճ (2025թ. 7,2%-ի դիմաց), իսկ 2027 թվականին տեմպերի արագացում՝ մինչև 5,5%: Այս մասին նշված է ԱՄՀ ապրիլյան «Համաշխարհային տնտեսական ակնարկ. Համաշխարհային տնտեսությունը պատերազմի ստվերում» զեկույցում:

Արմինֆո.  Ասիական Զարգացման Բանկը (ԱԶԲ) կանխատեսում է 2026 թվականին Հայաստանի ՀՆԱ-ի 5,5% աճ (2025թ. 7,2%-ի դիմաց)՝ 2027 թվականին տեմպերի արագացմամբ մինչև 5,7%: Ըստ ԱԶԲ կանխատեսման՝ գնաճը Հայաստանում 2026 թվականին կարագանա մինչև 3,8% (2025թ. 3,3%-ից) և այնուհետև 2027 թվականին կնվազի մինչև 3,2%: Այս մասին նշված է Ասիական Զարգացման Բանկի ապրիլյան զեկույցում՝ «Ասիայի զարգացման հեռանկարները. Մերձավոր Արևելքի հակամարտությունների հիմնախնդիրները. Կայունությունը Ասիայում և Խաղաղօվկիանոսյան տարածաշրջանում»:

Արմինֆո.Համաշխարհային Բանկը (ՀԲ) բարելավել է Հայաստանի 2026-2027թթ. ՀՆԱ-ի աճի կանխատեսումը՝ նախկին 4,9-4,7%-ից հասցնելով 5,3-5,1%-ի (ի հակադրություն 2025թ. աճի փաստացի արագացման՝ 5,9%-ից մինչև 7,2% - Խմբ.): Այս մասին նշվում է ապրիլի 8-ին հրապարակված ՀԲ «Եվրոպայի և Կենտրոնական Ասիայի տարածաշրջանի տնտեսական ակնարկ. Արդյունաբերական քաղաքականություն» (Europe & Central Asia Economic Update. Industrial Policy) զեկույցում:

Արմինֆո. Բնապահպան հանրության հետ սեփական առաքելության պարզաբանումներով երկխոսություն ծավալելու փոխարեն՝  "Լիդիան Արմենիա" (Lidian Armenia) ոսկի արդյունահանող ընկերությունը, ամենայն հավանականությամբ, որդեգրել է դատական պաշտպանության միջոցով "սեփական անձեռնմխելիության" սկզբունքը: Հենց այդպես, "այսուհետեւ ընկերությունը հետեւողականորեն կպաշտպանի սեփական իրավունքները  եւ "Ամուլսար " նախագծով հազարավոր շահագրգիռ կողմերի իրավունքները", - ասված է ընկերության հայտարարության մեջ:

Արմինֆո. Հայաստանի ՀՆԱ աճը 2026 թվականի արդյունքներով կգերազանցի բյուջեում ամրագրված ցուցանիշը։ Այդ մասին փետրվարի 26-ին ճեպազրույցում հայտարարել է Հայաստանի էկոնոմիկայի նախարար Գեւորգ Պապոյանը։

Արմինֆո. Fitch Ratings միջազգային վարկանիշային գործակալությունը բարելավել է Արդշինբանկի վարկանշային հեռանկարը «կայուն»-ից «դրական»՝ հաստատելով Բանկի արտարժույթով երկարաժամկետ պարտավորություններ թողարկողի վարկանիշը (Long-term Issuer Default Rating (IDR)) և կենսունակության վարկանիշը (VR) համապատասխանաբար՝  «BB-» և «bb-»-ի:

Արմինֆո. Հայաստանի ՀՆԱ-ի աճը 2025 թվականին, հավանաբար, կլինի 5,5-6% մակարդակում՝ պետբյուջեում ամրագրված 5,1%-ի դեպքում։ Այդ մասին հունվարի 21-ին մամուլի ասուլիսի ժամանակ հայտարարել է ՀՀ ֆինանսների նախարար Վահե Հովհաննիսյանը՝ ներկայացնելով իր ղեկավարած գերատեսչության 2025 թվականի գործունեության արդյունքները։

Արմինֆո.  Fitch Ratings միջազգային վարկանիշային գործակալությունը 2025 թվականին Հայաստանի իրական ՀՆԱ-ի աճ է կանխատեսում 5,5% մակարդակում (2022-2024թթ.միջին տարեկան մակարդակից 8,9% անկում ՝ ռուսական կապիտալի ներհոսքի և միգրացիայի պատճառով) ՝ 2026-2027թթ. ակնկալելով 5% - ից բարձր աճ: Այդ մասին նշվում է նախօրեին հրապարակված Հայաստանի երկարաժամկետ արժութային վարկանիշի (LDFC) կանխատեսման "կայունից ""դրական"  "BB- մակարդակի վարկանիշի հաստատմամբ վերանայման հիմնավորման մեջ։

Արմինֆո. Միջազգային հեղինակավոր Fitch Ratings գործակալությունը բարձրացրել է Հայաստանի վարկանիշի հեռանկարը՝ դարձնելով «Դրական», եւ հաստատել է վարկանիշը «BB-» մակարդակում: Այդ մասին հաղորդել է Հայաստանի վարչապետ Նիկոլ Փաշինյանը՝ «Ֆեյսբուքի» իր էջում:

Արմինֆո.Միջազգային հեղինակավոր Moody’s վարկանիշային գործակալությունը Ակբա բանկին շնորհել է Ba3 երկարաժամկետ տեղական արժույթով և արտարժույթով ավանդների ու թողարկողի վարկանիշ՝ կայուն հեռանկարով։ 

Արմինֆո.  Հայաստանի ֆինանսների նախարար Վահե Հովհաննիսյանը հայտարարում է, որ Հայաստանը նախկինում էլ է անհամաձայնություն հայտնել ՀՀ-ին շնորհված միջազգային վարկային վարկանիշների հետ: Իսկ հիմա, վաշինգտոնյան հռչակագրերի ստորագրումից հետո, ֆինանսական իշխանությունները հույս ունեն, որ երկրի վարկանիշները «կհասնեն բնական մակարդակի»։

Արմինֆո. Հայաստանի (BB-/կայուն) եւ Ադրբեջանի (BBB-/կայուն) միջեւ խաղաղության մասին շրջանակային համաձայնագիրը դրական քայլ է համապարփակ համաձայնագրի ճանապարհին եւ նվազեցնում է ռազմական գործողությունների վերսկսման ռիսկը, սակայն խոչընդոտները պահպանվում են: Խաղաղության համաձայնագրի ձեռք բերումը հազիվ թե անմիջապես ազդի երկու երկրների վարկանիշների վրա, բայց կարող է աջակցել դրական միջնաժամկետ վարկային միտումներին, մասնավորապես, առևտրի ընդլայնման հաշվին, որը կարող է խթանել աճը, թեև դժվար է դա գնահատել քանակապես: Այդ մասին նշվում է Fitch Ratings միջազգային վարկանիշային գործակալության հաղորդագրությունում:

Արմինֆո. Միջազգային հեղինակավոր Fitch վարկանիշային գործակալությունը (Fitch Ratings) վերահաստատել է Ակբա բանկին շնորհած «Երկարաժամկետ պարտավորություններ թողարկողի» (Long-Term Issuer Default Rating») «BB-» վարկանիշը, ինչպես նաև վերահաստատել բանկի կենսունակության վարկանիշը («bb-», Viability Rating)։

Արմինֆո. Մի քանի տարի առաջ Հայաստանի տնտեսության ներուժը գնահատվում էր 4% - ի սահմաններում, այսօր միջազգային կազմակերպություններն ահազանգում են ներուժի մինչեւ 5,5% բաարձրացման մասին: Այդ մասին հայտարարել է Հայաստանի էկոնոմիկայի նախարար Գեւորգ Պապոյանը՝ Համաշխարհային հայկական գագաթնաժողովի շրջանակում "Արդի Հայաստանի հեռանկարները. տնտեսություն, ենթակառուցվածքներ եւ տեխնոլոգիաներ" թեմայով պանելային քննարկումների ժամանակ:

Արմինֆո. 2024 թվականին Հայաստանի տնտեսական աճը կարող է գերազանցել 8,5 տոկոսը, կախված այն հանգամանքից, թե ինչ միտումներ են դիտվելու այս տարվա երկրորդ կիսամյակի ընթացքում: Այդ մասին օգոստոսի 28-ին մամուլի ասուլիսի ժամանակ հայտարարել է տնտեսագիտության դոկտոր, պրոֆեսոր, "Այլընտրանք" հետազոտական կենտրոնի ղեկավար, Եվրասիական փորձագիտական ակումբի անդամ Թաթուլ Մանասերյանը՝ հնչեցնելով ակումբի գնահատականը:

Արմինֆո. Fitch Ratings միջազգային գործակալությունը հաստատել է Հայաստանի արտարժույթով թողարկողի դեֆոլտի երկարաժամկետ վարկանիշը <BB-> մակարդակում ' կայուն կանխատեսմամբ: Այդ մասին ասվում է վարկանիշային գործակալության կայքում հրապարակված զեկույցում։

Արմինֆո. ՎԶԵԲ-ի գլխավոր տնտեսագետ Բեատա Յավորչիկը, պատասխանելով ԱրմԻնֆո-ի թղթակցի հարցին, պարզաբանել է, թե ինչով է պայմանավորված Վերակառուցման և զարգացման եվրոպական բանկի (ՎԶԵԲ) "լավատեսությունը", որն իր վերջին զեկույցում կանխատեսել է Հայաստանի տնտեսության 6,2% աճ: Այսպիսով, ՀՀ ՀՆԱ-ի աճի վերաբերյալ ՎԶԵԲ-ի սպասումները գերազանցել են միջազգային այլ ֆինանսական կառույցների ակնկալիքները:

Արմինֆո. ՀՀ Կենտրոնական բանկի խորհրդի մարտի 29-ի նիստում  որոշում է կայացվել նախնական համաձայնություն տալ «Ամերիաբանկ» ՓԲԸ կանոնադրական հիմնադրամում «Բենք օֆ Ջորջիա Գրուփ ՓիԷլՍի»-ի և «ՋիԷսՍի Բենք օֆ Ջորջիա»-ի կողմից նշանակալից մասնակցության ձեռքբերմանը: Այդ մասին հաղորդել է ՀայաստանիԿԲ հասարակայնության հետ կապերի ծառայությունը:

Արմինֆո.Միջազգային բրենդ ունեցող բանկի մուտքը Հայաստանի ֆինանսական շուկա միշտ ցանկալի է և կարևոր: Նման գնահատական է տվել Հայաստանի բանկերի միության նախագահ Դանիել Ազատյանը փետրվարի 20-ին կայացած ամփոփիչ մամուլի ասուլիսի ժամանակ՝ խոսելով Bank of Georgia Group PLC (BOGG)-ի կողմից Հայաստանի առաջատար բանկերից մեկի՝ "Ամերիաբանկ" ՓԲԸ-ի ձեռք բերման գործարքի մասին:

Արմինֆո. Bank of Georgia Group PLC-ը (BOGG) հայտարարել է Հայաստանի առաջատար բանկի՝ "Ամերիաբանկ" ՓԲԸ-ի ձեռք բերման շուրջ նախնական համաձայնության մասին: Գործարքի գինը կկազմի շուրջ 303.6 մլն դոլար։