Շաբաթ, 10 Սեպտեմբերի 2011 17:42

2011 թվականի 8 ամիսներին ֆինանսական հաշտարարի գրասենյակին ներկայացված բողոքների մեծ մասը վերաբերվել է բանկերին և ապահովագրական ընկերություններին

ԱրմԻնֆո. 2011 թվականի 8 ամիսներին ֆինանսական հաշտարարի գրասենյակին ներկայացված բողոքների մեծ մասը վերաբերվել է բանկերին և ապահովագրական ընկերություններին: Ըստ Ֆինանսական հաշտարարի գրասենյակից ԱրմԻնֆո գործակալությանը տրամադրված տվյալների, քննարկված 80 բողոքներից 36-ը ուղղված են եղել բանկերի, 36-ը` ապահովագրական ընկերութունների ու ապահովագրողների բյուրոյի, 6-ը`գրավատների և 2-ը` վարկային կազմակերպոթյունների դեմ:

Բանկերին ուղղված 36 բողոքներից 17-ը վերաբերվել են վճարահաշվարկային գործառնություններին, 12-ը` վարկային գործարքներին, 4-ը` ավանդային գործարքներին և 3-ը` այլ գործարքներին: Ապահովագրական ընկերություններին և Ապահովագրողների բյուրոյին ուղղված 36 բողոքներից 16-ը եղել են ԱՊՊԱ գծով, 8-ը` ԿԱՍԿՈ գծով, 8-ը` բժշկական ապահովագրության, 2-ը` տուրիստների ապահովագրության և 2-ը` դժբախտ դեպքերից ապահովագրության գծով:

Աղբյուրի համաձայն, հաճախորդներին, որոնց բողոքները բավարարվել են, ընդհանուր հաշվով վճարվել է 29.8 մլն.դրամ, որտեղ 12.6 մլն.դրամ կազմել է ապահովագրական ընկերությունների բաժինը, 11.1 մլն.դրամ` վարկային կազմակերպությունների, 5.9 մլն. դրամ` բանկերի և 140 հազ.դրամ` գրավատների բաժինը:

2011 թվականի հունվար-օգոստոս ամիսներին ֆինանսական հաշտարարի գրասենյակ է ներկայացվել 525 բողոք-հայտ: Աղբյուրի համաձայն, ներկայացված բողոքներից 157-ը քննարկման ենթակա չեն եղել, համաձայն ՙՖինանսական համակարգի հաշտարարի մասին՚ ՀՀ Օրենքի, իսկ 368 բողոք ենթակա է եղել քննարկման: Դրանցից 80-ը արդեն քննարկվել է, որտեղ 68%-ը լուծվել է հաճախորդների օգտին: 67 բողոք-հայտ գրասենյակին է ներկայացվել գրավոր տեսքով, որոնցից 33-ը բավարարվել է խաղաղ հաշտության միջոցով, 17-ը` մերժվել է, 4-ը` բավարարվել է մասնակիորեն, մնացած 10 բողոքի քննարկումը դադարեցվել է, իսկ 1 բողոք քննարկման ենթակա չի եղել: Նշենք, որ 2011 թվականի առաջին եռամսյակում ֆինանսական հաշտարարի գրասենյակ էր ներկայացվել 230 վողոք, որոնցից 213-ը ֆինանսական համակարգին: Ընդ որում, քննարկման ենթակա են եղել բողոքներից 153-ը, որոնցից 34-ը ներկայացվել են գրավոր տեսքով: Բանկերի նկատմամբ եղել է 15 բողոք, ապահովագրական ընկերությունների նկատմամբ`14 և գրավատների նկատմամբ` 5 բողոք: Բանկերի նկատմամբ 15 բողոքներից 11-ը վերաբերվել են վճարահաշվարկային գործարքներին, 1-ը` վարկային և 1-ը` ավանդային գործարքներին, իսկ 2-ը` այլ գործարքներին: Ապահովագրական ընկերություններին ուղղված 14 բողոքներից 6-ը վերաբերվել են բժշկական ապահովագրությանը, 4-ը` ԿԱՍԿՈ, 2-ը` ԱՊՊԱ, 1-ը` տուրիստական և 1-ը` դժբախտ դեպքերից ապահովագությանը:

2011 թվականի երկրորդ եռամսյակում ֆինանսական հաշտարարի գրասենյակին է ներկայացվել 212 բողոք-հայտ, որոնցից 185-ը` ֆինանսական համակարգին: Քննարկման ենթակա են եղել բողոքներից 114-ը, որոնցից 27-ը վերցվել են քննարկման Բանկերի նկատմամբ եղել է 16 բողոք, ապահովագրական ընկերությունների նկատմամբ`10 և վարկային կազմակերպությունների նկատմամբ` 1 բողոք: Բանկերի նկատմամբ 15 բողոքներից 4-ը վերաբերվել են վճարահաշվարկային գործարքներին, 9-ը` վարկային և 2-ը` ավանդային գործարքներին: Ապահովագրական ընկերություններին ուղղված բողոքներից 6-ը եղել է ԱՊՊԱ գծով, 4-ը` ԿԱՍԿՈ գծով:

Նշենք, որ ֆինանսական հաշտարարի գրասենյակի ծառայությունները Հայաստանում մատուցվում են 2009 թվականից, տրամադրելով անվճար ծառայություններ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

2011 թվականի 8 ամիսներին ֆինանսական հաշտարարի գրասենյակին ներկայացված բողոքների մեծ մասը վերաբերվել է բանկերին և ապահովագրական ընկերություններին