Շաբաթ, 15 Օգոստոսի 2015 14:14

ԱրմԻնֆո.Դրամի դեվալվացիոն հատկանիշները կտրուկ նվազեցրին հետաքրքրությունը բորսայում  և միջբանկում տեղի ունեցող արտարժույթով գործարքների նկատմամբ: Այսպես, օգոստոսի 10-14-ը բորսայական արտարժութային գործարքների ծավալն ընկավ մոտ 3 անգամ, բայց ավելի քան 2 անգամ գերազանցեցին արտարժույթի միջբանկային շուկայի ծավալներին, որոնք աճեցին 23.1%: Արդյունքում, հուլիսին նկատվող դրամի դեվալվացիան474-ից մինչև 481 դրամ/դոլար, օգոստոսի առաջին կեսին, անշան տատաումներից հետո, մոտեցան փոխարժեքի 479 դրամ/դոլար մակարդակին:

 

Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, օգոստոսի 10-14-ը «ՆԱՍԴԱՔ ՕԷՄԵՔՍ ԱՐՄԵՆԻԱե բորսայում արտարժույթով գործարքների ծավալը կազմել է 9.740 մլն.դոլար, 478.60 դրամ/դոլար միջին փոխարժեքով, ընդ որում, առավելագույն ծավալն արձանագրվեց հինգշաբթի օրը` 4.770 մլն.դոլար: Բորսան գործել է ոչ բոլորո օրերին – երեքշաբթի և չորեքշաբթի օրերին բորսան եղլ է դատարկ: Իսկ արտարժույթի միջբանկային շուկայում իրականացված գործարքների ծավալը կազմել է 4.8 մլն դոլար, 478.78 դրամ/դոլար միջին փոխարժեքով: Շաբաթվա ընթացքում միջբանկային շուկայում և բորսայում փոխարժեքն աննշան չափերով բարձրացավ:

 

Աղբյուրի համաձայն, արտարժույթի ներբանկային շուկայում (գործարքները հաճախորդների հետ) օգոստոսի 10-14-ն ընկած ժամանակահատվածում բանկերի կողմից գնվել է 74.9 մլն.ԱՄՆ դոլար (շաբաթվա անկումը`13%), 477.62 դրամ մեկ ԱՄՆ մեկ դոլարի դիմաց միջին փոխարժեքով և վաճառվել է 81.03 մլն ԱՄՆ դոլար (շաբաթվա անկումը`23.5%), 479 դրամ ԱՄՆ մեկ դոլարի դիմաց միջին փոխարժեքով: Նույն ժամանակահատվածում արտարժույթի ներբանկային շուկայում բանկերի կողմից գնվել է 8.1 մլն.եվրո, 524.24 դրամ մեկ եվրոյի դիմաց միջին փոխարժեքով (շաբաթվա աճը`21%) և վաճառվել է 11.03 մլն. եվրո (շաբաթվա անկումը`11.3%), 528.51 դրամ մեկ եվրոյի դիմաց միջին փոխարժեքով: Ներբանկային շուկայում նույն ժամանակահատվածում բանկերի կողմից գնվել է 954.6 մլն. ռուբլի (շաբաթվա աճը`3.4%), 7.37 դրամ/ռուբլի միջին փոխարժեքով և վաճառվել է 270.5 մլն.ռուբլի (շաբաթվա անկումը`12%), 7.52 դրամ/ռուբլի միջին փոխարժեքով:

 

Նախորդ շաբաթ (օգոստոսի 3-9-ը) Հայաստանի բանկերի կողմից ՀՀ դրամով տրամադրված վարկերի ծավալը կազմել է 33 մլրդ դրամ, իսկ ԱՄՆ դոլարով տրամադրված վարկերի ծավալը կազմել է 54.1 մլն ԱՄՆ դոլար: Դրան նախորդած շաբաթվա համեմատ ՀՀ դրամով վարկերի ծավալը կրճատվել է 16%, իսկ ԱՄՆ դոլարով տրամադրված վարկերի ծավալը նվազել են 2 անգամ:

 

Հիշեցնենք, որ 2014 թվականի վերջին ամիսներին Հայաստանի արժույթի շուկայում դիտվեց փոխարժեքի կտրուկ աճ, հատելով 570 դրամ/դոլարի սահմանագիծը: Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվեց 45%, այնուհետև, դեկտեմբերի 18-20-ն արժեվորվեց 25%, իսկ դեկտեմբերի 22-ին կրկին սկսեց արժեզրկվել: Դեկտեմբերի 27-ին դրամի փոխարժեքը դոլարի նկատմամբ կազմեց 470 դրամ/դոլար, եվրոն` 574 դրամ / եվրո, ռուսական ռուբլին` 8.7 դրամ /ռուբլի: Բորսայում մեկ տարում իրականացվել է 744.5 մլն. դոլարի արտարժութային գործարք, ընդ որում, ամսական ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայում արտարժույթի փոխարժեքը 407.14 դրամ/դոլարից ցատկեց մինչև 560 դրամ/դոլար, դեկտեմբերի 27-ին իջնելով մինչև 470 դրամ/դոլար: 2014 թվականին ՀՀ դրամը ԱՄՆ դոլարի նկատմամբ ընդհանուր հաշվով արժեզրկվեց 40%, հաշվի առնելով դեկտեմբերի 17-ի` 570 դրամ առավելագույն և հուլիսի` 406 դրամ նվազագույն սահմանաչափերը: 2015 թվականի առաջին կիսամյակում Հայաստանի արտարժույթի մանրածախ շուկայում դրամի փոխարժեքը դոլարի նկատմամբ 477 դրամից իջավ մինչև 473 դրամ/դոլար, եվրոյի նկատմամբ` 571.5 դրամից մինչև 528 դրամ/եվրո, իսկ ռուբլու նկատմամբ` 8.2 դրամից աճեց մինչև 8.6 դրամ/ռուբլի: Սակայն, հուլիսից դրամն սկսեց արժեզրկվել, հուլիսի 31-ին ԱՄՆ դոլարի նկատմամբ արձանագրելով 478.3 դրամ/դոլար միջին փոխարժեք, միաժամանակ եվրոյի և ռուսական ռուբլու նկատմամբ արժեվորվելով համապատասխանաբար` 524 դրամ/եվրո և 8.0 դրամ/ռուբլի մակարդակներոմ: Օգոստոսի առաջին կեսին կրկին դիտվեցին դրամի դեվալվացիոն միտումները դոլարի նկատմամբ, օգոստոսի 14-ին միջին փոխարժեքը ձևավորելով 479 դրամ/դոլար մակարդակում, դրան զուգահեռ, դրամն սկսեց իր դիրքերը կորցնել նաև եվրոյի նկատամբ – մինչև 534 դրամ/եվրո, բայց շարունակելով ամրապնդվել ռուսական ռուբլու նկատմամբ – մինչև 7.5 դրամ/ռուբլի: