Արմինֆո. ՎՏԲ-Հայաստան Բանկը թողարկել է 500 000 - րդ քարտը: Ինչպես ԱրմԻնֆո գործակալությանը տեղեկացվել է «ՎՏԲ-Հայաստան Բանկ» ՓԲԸ Գովազդի եւ հասարակայնության հետ կապերի բաժնից, հոբելյանական քարտի քարտապան դարձավ Բանկի հաճախորդ 27-ամյա Անի Փաշիկյանը: Անին հանդիսանում է Բանկի աշխատավարձային ծրագրի քարտապան և ներկայումս դասավանդում է ինֆորմատիկա Շիրակի մարզի Սարալանջ գյուղի միջնակարգ դպրոցում:
500 000-րդ քարտապանի պարգևատրումը տեղի ունեցավ ՎՏԲ-Հայաստան Բանկի գլխամասային գրասենյակում: Բանկի Գլխավոր տնօրեն-Տնօրինության նախագահ Յուրի Գուսևը հոբելյանական քարտի քարտապան Անի Փաշիկյանին հանձնեց 500 000 դրամի հավաստագիր: Գումարը նույն օրը փոխանցվեց հաճախորդի աշխատավարձային քարտին:
«500 000-րդ քարտի թողարկումը վկայում է այն մասին, որ ՎՏԲ-Հայաստան Բանկի վճարային քարտերը ունեն մեծ պահանջարկ և վայելում են մեր հաճախորդների վստահությունը: Շնորհավորում եմ հոբելյանական քարտի քարտապան Անի Փաշիկյանին և մաղթում հաջողություններ ինչպես իր պատասխանատու մասնագիտության մեջ, այնպես էլ անձնական կյանքում»,-նշել է «ՎՏԲ Հայաստան Բանկ» ՓԲԸ Գլխավոր տնօրեն-Տնօրինության նախագահ Յուրի Գուսևը:
ՎՏԲ-Հայաստան Բանկը ակտիվ քարտերի և քարտերով ընդհանուր շրջանառության քանակով տարիներ շարունակ մնում է հայկական շուկայի առաջատար: ՎՏԲ-Հայաստան Բանկի չափաբաժինը Հայաստանյան շուկայում VISA и MasterCard միջազգային քարտերի թողարկման ընդհանուր քանակով կազմում է 35%: Բանկի քարտերի միջոցով հաճախորդները կարող են վճարել ծառայությունների դիմաց, կատարել գնումներ առևտրային կետերում և ինտերնետում նույնքան պարզ, արագ և անվտանգ, ինչպես կանխիկ վճարումների դեպքում: Բացի դրանից, ՎՏԲ-Հայաստան Բանկի հաճախորդները SMS-տեղեկատվության ծառայության միջոցով կարող են ստանալ իրենց վճարային քարտերով կատարված բոլոր գործարքների և հաշվեկշռի մասին տեղեկություններ:
Ըստ ԱրմԻՆֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկը թվարկած քարտերի թվով հանդիսանում է շուկայի առաջատարը, 2015 թվականի ապրիլի 1-ի դրությամբ ունենալով 401 հազար քարտ, տարեկան աճը` 24%, որից գրեթե 385 հազարը կազմում էն Visa քարտերը (այդ թվում`ավելի քան 88 հազ.կենսաթոշակային քարտեր), որով նույնպես շուկայի առաջատարն է: Նամկը 2 տարի առաջ դառնալով MasterCard համակարգի անդամ, մինչև 2015 թվականի ապրիլը հասցրեց թողարկել այդ համակարգի ավելի քան 16 հազար քարտ, տեղ գրավելով առաջատարների տասնյակում: Պլաստիկ գործարքների ծավալով նույնպես բանկն առաջինն է շուկայում`ավելի քան 186 մլրդ դրամ 2014 թվականին, տարեկան աճը`33%: 2015 թվականի ապրիլի 1-ին բանկն ունեցել է 298 սեփական POS- տերմինալ և 158 բանկոմատ: Մինչև 2013 թվականը ՎՏԲ-Հայաստան Բանկը թողարկում և սպասարկում էր միայն միջազգային visa քարտեր, իսկ նույն տարվա սեպտեմբերին, դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից բացի բանկը նաև սպասարկում է տեղական ArCa քարտերը: Բանկն ունի իր սեփական պրոցեսինգը: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:
«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: