Արմինֆո. Ընթացիկ տարում Հայստանի և Ռուսաստանի միջև ապրանքաշրջանառությունն աճել է 10%, կազմելով $ 450 մլն: Այս մասին ռուս-հայկական միջկառավարական տնտեսական համագործակցության 17-րդ նիստում, որը կայացել է Սանկտ Պետերբուրգում, հայտարարել է հանձնաժողովի ռուսական համանախագահ, ՌԴ տրանսպորտի նախարար Մաքսիմ Սոկոլովը:
Նրա խոսքով, Հայաստանից արտահանումը դեպի Ռուսաստանի Դաշնություն աճել է մի քանի անգամ, հատելով $ 125 մլն.-ի ցուցանիշը: «Ակնհայտ է, որ, չնայած արտաքին-տնտեսական և քաղաքական լարված իրավիճակին, Ռուսաստանը եղել և մնում է Հայաստանի առևտրային հիմնական գործընկերը», - ասել է Մաքսիմ Սոկոլովը: Նա հավելել է, որ միջկառավարական հանձնաժողովի այսօրվա օրակարգը ներառում է հարցերի լայն շարք, կապված համագործակցության խորացմանն այնպիսի ոլորտներում, ինչպիսիք են էներգետիկան, տրանսպորտը, գյուղատնտեսությունը և հումանիտար ոլորտը: Նախարարը նշել է, որ նախորդ նիստում ընդգրկված հարցերի մեծ մասը (մոտ 60 հարց) կատարվել է: Մասնավորապես, ձեռք են բերվել ռուսական գազի գնի իջեցման, Հայաստանին առանց մաքսային ձևակերպման նավթամթերքով ապահովելու մասին համաձայնությունները, ինչպես նաև Վերին Լարսի անցակետով հատուկ անցման կազմակերպումը: Անցկացվել է նաև միջտարածաշրջանային համագործակցության 4-րդ համաժողովը, հիշեցրել է Մ.Սոկոլովը:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |