Շաբաթ, 16 Հուլիսի 2016 15:07

Արմինֆո. Հուլիսի 20-ին «Տաշիր» առևտրի կենտրոնում տեղի կունենա հայ դիզայներների և արտադրողների արտադրանքների միասնական հարթակի պաշտոնական բացումը` «Armenian brands» անվանումով, որտեղ 1000 քմ վրա կներկայացվեն հագուստի, կոշիկի, աքսեսուարների և թեթև արդյունաբերության այլ ապրանքների հայ արտադրողների ու դիզայներների ապրանքները:

 

Ըստ «Տաշիր Ինվեստ Գրուպ» ՓԲԸ տնօրեն Լևոն Հակոբյանի, Armenian brands նախագիծը յուրօրինակ հարթակ կդառնա հայ արտադրողների համար: Այսպիսով, այն արտադրողները, որոնք ունեն մշակված դիզայն և արդեն կարգավորել են արտադրությունը և արտադրանքի իրացումը, կարող են օգտվել միասնական հարթակից: Նախագծի հեղինակները նախատեսում են հասնել իրացման մեծ մասնաշտաբների, ինչն էլ կխթանի սպառման աճին, նոր աշխատատեղերի ստեղծմանը, ինչպես նաև կակտիվացնի շուկայի այդ հատվածը: Հետագայում, իրացման ծավալների ավելացման դեպքում, սպասվում է անցում անհատական պատվերներից սերիական արտադրությանը:

 

Ըստ Հակոբյանի, իրականացված հետազոտության արդյունքում ակնհայտ է դարձել, որ տեղական ապրանքները որակական, ինչպես նաև գնային առումով բավականին մրցունակ են: «Պատրաստի արտադրանքի ճիշտ դիրքորոշումը և իրացման համապատասխան հարթակը կարող են իսկական խթան դառնալ ինչպես հայտնի, այնպես էլ սկսնակ դիզաներների ու արտադրողների արտադրանքի վաճառքն ավելացնելու համար»,-նշել է ընկերության ներկայացուցիչը: Նրա խոսքով, ընկերության գնային քաղաքականոթյունը կառուցվել է այնպես, որպեսզի այն չազդի վերջնական արտադրանքի գնի և տեղական շուկայում դրա մրցունակության վրա:

 

Ներկա փուլում նախագծի գործընկրներն են ավելի քան երկու տասնյակ ընկերություններ: Ըստ «Armenian brands» նախագհծի մենեջեր Մարիաննա Քաբաբյանի, «կոնցեպտ» ձևաչափով և հավասար պայմաններով կներկայացվի ոչ միայն արդեն կայացած դիզայներների ու մոդելյերների կոլեկցիաները, այլ նաև նրանց, ովքեր նոր են սկսում իրենց կարյերան: Կներկայացվի նաև տեղական 4 կոշիկ արտադրողների արտադրանքը: Ընդ որում, նախագիծը բաց է, և բոլոր ցանկացողները կարող են ներգրավվել: Հեռանկարում, ըստ Հակոբյանի, ընկերությունը նախատեսում է նաև աջակցել արտահանման հարցերում:

 

Ինչպես նախօրեին հայտարարել էր ՀՀ էկոնոմիկայի նախարար Արծվիկ Մինասյանը, 2016 թվականի առաջին կիսամյակում Հայաստանում արձանագրվել է արդյունաբերական արտադրության երկնիշ աճ:

 

Ըստ ՀՀ Ազգային վիճակագրական ծառայության տվյալների, 2016 թվականի հունվար-մայիսին մանրածախ առևտրի ոլորտում արձանագրվել է 4.2% անկում (նախորդ տարվա անկումը` 6,9%), կազմելով 439.6 մլրդ. Դրամ ($ 906.2 մլն): Միայն մայիսին, մանրածախ առևտրի հասույթն աճել 6.8%, մինչև 98,2 մլրդ դրամ ($ 205,3 մլն): Մանրածախ առևտրի շրջանառության կառուցվածքում ամենամեծ շրջանառույթունն ապահովել են խանութները (այդ թվում նաև սուպերմարկետները) - 332 մլրդ դրամ կամ 75,5% (տարեկան աճը`2,1%), մյուս մանրածախ օբյկտները - 60.4 մլրդ դրամ կամ 13,7% (տարեկան անկումը`28.6%), որին հաջորդում են սպառողական շուկաները - 29.2 մլրդ.դրամ կամ 6.6% (տարեկան անկումը`4,2%),  կրպակներ - 11 մլրդ.դրամ կամ 2.5% (տարեկան անկումը`3.4%), գյուղատնտեսական շուկաները - 7 մլրդ.դրամ կամ 1.7% (տարեկան աճը 0.8%):