Երևանում մեկնարկել է հայկական առաջին խելացի ժացույցների վաճառքը TDS-ից

Արմինֆո. Հայկական առաջին TSD Flex խելացի ժամացույցները, որը մշակվել է Technology and Science Dynamics (TSD) ընկերությունը, արդեն վաճառքում են:

Հայտնի են նաև խելացի ժամացույցների հիմնական բնութագրերը: Աշխատում են Android 5.1-ի հիմքի վրա, հագեցված են HD էկրանով (1.33 դյույմ), MTK6580M տեսակի պրոցեսորով և 1.3 GHz հաճախականությամբ: Առջևի տեսախցիկն ունի 5,0 MP թույլտվություն,  ներկառուցված հիշողությունը կազմում է 8 Գբ, RAM-ը`512 MB:

Մարտկոցը նախատեսված է - 400 մամպեր /ժամ: Սարքն ունի Wi-Fi, Bluetooth 4.0, 2G և 3G: Ժամացույցների չափերը - 53,2 x 47 x 15,9 մմ, քաշը - 65 գրամ:

TSD Flex Watch ժամացույցները կվաճառվեն 95 հազար դրամով:

Նշենք, որ Technology and Science Dynamics (TSD) ընկերությունը, որն զբաղվում է հայկական առաջին պլանշետների և սմարթֆոնների մշակումով և արտադրությամբ, 2016 թվականի հունիսին հայտարարեց ArmPhone հայկական առաջին սմարթֆոնների արտադրության մասին: Վաճառքի հանվեցին 5 տարբեր տասակի սմարթֆոններ, որոնց մի մասն ունի 32 ՀԲ ներքին հիշողություն, աշխատում է Android 5.1 և Android 6.0 համակարգերով, ունի սենսորային էկրան, 4G և ճանաչում է մատնահետքերը: Արտադրողները մտադիր են ընդհանուր հաշվով սպառողի դատին ներկայացնել 5 տարբերակ`0502, 0505, 0508, 0509 և 0520: Ինչպես հայտարարել են ընկերությունում, առաջին հեռախոսները ներկայացվել են, ղեկավարվելով «Եկել է հայկական ապրանքի ժամանակը» նշանաբանով:

Նշենք, որ ArmTab Technology ընկերությունը հիմնվել է 2013 թվականին, Minno ընկերության համասեփականատեր Վահան Շաքարյանի կողմից, Minno ընկերությունում թեստավորման հիման վրա: 2014 թվականի հունվարին ArmTab ընկերության և ՀՀ կրթության և գիտության նախարարության միջև ստորագրվեց պլանշետները երկրի հանրակրթական համակարգում ներդրման մասին Հուշագիր, որպեսզի 2015 թվականից այդ համակարգում պարտադիր դառնա ռոբոտաշինությունը: «ArmTab»-ը Հայաստանում գրանցված առաջին ընկերությունն է, որն ստացել է «Մարս» գործարանի տարածքում 2011 թվականին ստեղծված ազատ առևտրի գոտում գործելու թույլտվություն: Ինչպես ԱրմԻնֆո գործակալության թղթակցի հետ զրույցում հայտարարել է Վահան Շաքարյանը, TSD ընկերությունն ունի որոշակի ռազմավարություն, որով մի փոքր տարբերվում է ՏՏ-ոլորտի մյուս ընկերություններից: «Մենք աշխատում ենք ապագայի համար, ներդրումներ կատարելով մեր երիտասարդ մասնագետներում: Ռազմավարությունը նախատեսված է 5-7 տարիների համար, և տվյալ փուլում մեծ շահույթ ստանալու նպատակներ չունի: Այսօրվա հաջողությունները երկրորդական են: Մեզ համար ամենակարևորն է – մնալ դրական գոտում, պլյուսով: Իսկ թե դա ինչպիսի աճ կլինի`10%-ի, 20%-ի, թե 50%-ի - այնքան էլ կարևոր չէ: Այն, ինչ այսօր ընկերությունն ստանում է որպես շահույթ, ներդրվում է մասնագետների պատրաստմանը, որոնց շնորհիվ մենք կարող ենք դուրս գալ միջազգային շուկա: Եթե ռազմավարության շրջանակներում կարողանանք պատրաստել 50-ից 100 որակյալ կադր, ապա 1-2 տարում կծածկենք բոլոր ծախսերը, ինչպես նաև սկզբնական ներդրումները, ընկերության համար ապահովելով ավելի բարձր շահույթ»: