Փորձագետ. Այսօր Հայաստանն ի վիճակի չէ արտադրել բարձր որակի դեղորայք

Արմինֆո. Այսօր Հայաստանն, ունենալով բարձրակարգ մասնագետներ, բարձր որակի դեղորայք արտադրելու համար չունի համապատասխան տեխնիկա և հումք: ԱրմԻնֆո գործակալության հետ զրույցում նման կարծիք է հայտնել «ԱրմՖարմ» դիստրիբյուտորական ընկերության ներկայացուցիչ Լուսինե Գարեգինյանը Էքսպո-2017 «Առողջապահություն և դեղագործություն» ցուցահանդեսի շրջանակներում:

«Իմ կարծիքով, այսօր Հայաստանը չի հանդիսանում այնպիսի երկիր, որն արտադրում է այնպիսի դեղամիջոցներ, որոնք պահանջարկ ունեն ներքին շուկայում, ինչպես նաև արտասահմանում: Մենք դեռ չենք գտնվում այդ փուլում, մենք չունենա այդ հնարավորությունները»,-ընդգծել է նա:

Մասնավորապես, փորձագետը նմշել է, որ դեղամիջոցների մեծ մասը ԱրմՖարմը ներմուծում է Հնդկաստանից և Ուկրաինայից, իսկ ավելի քիչ` Ռուսաստանից և Իտալիայից, ինչը, նրա կարծիքով, կապված է պահանջարկի հետ: «Անցյալ տարի մենք կարողացանք ավեացնել ծավալները Հնդկաստանից և Ուկրաինայից, նոր գործընկերների հետ կապերի հաստատման միջոցով»,-նկատել է Գարեգինյանը: Նա ընդգծել է, որ ԱրմՖարմը հանդիսանում է Կորվալոլի և Բորո-պլյուսի առաջին ներմուծողը:

Նրա խոսքով, այսօր ընկերությունը ներմուծված դեղամիջոցները մատակարարում է մայրաքաղաքի և մարզերի, ինչպես նաև ԼՂՀ դեղատներին: Բացի այդ, ընկերությունը մասնակցում և հաղթում է Հայաստանի հիվանդանոցների կողմից դեղամիջոցների մատակարարմանն ուղղված մրցույթներին:

Նշենք, որ ԱրմՖարմ դեղագործական ընկերությունը հիմնվել է 1997 թվականին և առաջատարներից մեկն է Հայաստանում: Ընկերությունն ունի դեղատների ցանց, զբաղվում է մեծածախ և մանրածախ առևտրով, ներմուծումով և արտահանումով:

Ըստ ՀՀ Ազգային վիճակագրական ծառայության տվյալների, 2016 թվականի հունվար-դեկտեմբերին Հայաստանի դեղագործական ոլորտում արտադրության աճել է 6%, մինչև 8.1 մլրդ դրամ, նախորդ տարվա 25.1% աճի փոխարեն: