Արմինֆո. Այսօրվա դրությամբ Հայաստանից արդեն արտահանվել է շուրջ 32,5 հազար տոննա թարմ միրգ և բանջարեղեն: Հունիսի 7-ին կայացած մամուլի ասուլիսում այս մասին հայտարարել է ՀՀ գյուղատնտեսության փոխնախարար Ռոբերտ Մակարյանը:
Ըստ փոխնախարարի, հայկական թարմ մրգի և բանջարեղենի իրացման հիմնական շուկան շարունակում է մնալ Ռուսաստանը, 2017 թվականին ռուսական շուկա է ներմուծվել 31.5 հազար տոննա թարմ միրգ ու բանջարեղեն: Արտահանման մնացած մասն ուղղվել է Վրաստան և Արաբական Միացյալ Էմիրություններ: Այսօրվա դրությամբ շուրջ 17 հազար տոննա լոլիկ է արտահանվել Հայաստանից: 15 -20 օրից մեկնարկում է ծիրանի արտահանման գործընթացը: Ձեռնպահ մնալով կոնկրետ կանխատեսումներից, փոխնախարարը հույս է հայտնել, որ եթե բնությունը չձախողի, ապա կարելի է ակնկալել «արտահանման նորմալ ծավալներ»:
Նշենք, որ Հայաստանից բուսական արտադրանքի արտահանումը 2016 թվականին ավելացել էր մոտ 83%, իսկ ներմուծումը նվազել էր 14%: Սակայն, այս տարվա առաջին չորս ամիսներին բուսական արտադրանքի արտահանման ծավալը տարեկան կտրվածքով նվազել է 51.6%, իսկ ներմուծումն աճել է 20,8%:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |