Արմինֆո.Հայաստանի արտարժույթի միջբանկային շուկայում հունիսի 5-9-ը ծավալը կրճատվել է 40%-ով, նախորդ շաբաթվա 15% աճից հետո: Դրան զուգընթաց, ներբանկային շուկայում դիտվել է դոլարով և ռուբլով գործարքների անկում, ինչի ֆոնին դիտվել է եվրոյով գործարքների տարբեր ուղղվածության դինամիկա` վաճառքի ակտիվացմամբ: Այդ պայմաններում արտարժույթի բորսայական հարթակն արդեն երկրորդ շաբաթն անընդմեջ դատարկ է:
Արդյունքում, հաշվետու շաբաթվա ընթացքում շարունակվել է դոլարի նկատմամբ դրամի դանդաղ արժեզրկումը ` 482-ից մինչև 482,5 դրամ/դոլար մակարդակ, եվրոյի նկատմամբ պահպանվելով 541 դրամ/եվրո մակարդակում, իսկ ռուբլու նկատմամբ արժեվորվելով 8.6-ից մինչև 8.5 դրամ/ռուբլի մակարդակ: 2016 թվականի հունիսի 9-ին դրամի փոխարժեքը դոլարի նկատմամբ կազմել էր 479 դրամ/դոլար, եվրոյի նկատմամբ`547 դրամ/եվրո, իսկ ռուբլու նկատմամբ`7.5 դրամ/ռուբլի, ինչը ներկա փոխարժեքի համեմատ ցույց է տալիս դոլարի նկատմամբ դրամի տարեկան արժեզրկում, իսկ եվրոյի նկատմամբ` արժեվորում:
Ինչպես ԱրմԻնֆո-ին հաղորել են ՀՀ կենտրոնական բանկի մամուլի ծառայությունից, հունիսի 5-9-ը NASDAQ OMX Armenia բորսայական հարթակում գործարքներ չեն եղել: Մինչդեռ արտարժույթի միջբանկային շուկայում գործարքների ծավալները կազմել են 6.2մլն. դոլար, միջին փոխարժեքը` 482.77 դրամ/դոլար (նախորդ շաբաթ`482.14 դրամ/դոլար): Արտարժույթի միջբանկային շուկայում առավելագույն ծավալներն արձանագրվել է 2.8 մլն դոլար, մինչև չորեքշաբթի նվազագույն 300 հազար դոլար անկմամբ, հինգշաբթի գործարք չի եղել, ինչից հետո ուրբաթ արձանագրվել է ավելի համեստ ծավալ (1.6 մլն դոլար)` քան շաբաթվա սկզբին: Դրան զուգընթաց, արտարժույթի ներբանկային շուկայում բանկերի կողմից դոլարի առքի ծավալը նվազել է` 4%-ից հասնելով 9%-ի, իսկ վաճառքի ծավալն 13.3% աճից փոխարինվել է 22.7% անկմամբ: Եվրոյի առքի դինամիկան փոխվել է` 35% աճից 17,5% անկման, իսկ վաճառքի ծավալների 22% անկումը փոխարինվել է 4,5% աճով: Այդ ֆոնին ռուբլիով գործարքների շաբաթական դինամիկան կտրուկ փոխվել է 18- 21% աճից 8,4-18,8% անկման: Արդյունքում` գնվել է 61.01 մլն դոլար, 481.69 դրամ/1դոլար միջին փոխարժեքով, 8.5 մլն եվրո, 539.89 դրամ/1եվրո միջին փոխարժեքով և 971.99 մլն ռուբլի 8.46 դրամ/1ռուբլի միջին փոխարժեքով, իսկ վաճառվել է 67.97 մլն դոլար, 483.05 դրամ/1դոլար միջին փոխարժեքով, 11.7 մլն եվրո 544.44 դրամ/1եվրո միջին փոխարժեքով և 401.8 մլն ռուբլի 8.56 դրամ/1ռուբլի միջին փոխարժեքով:
Աղբյուրի համաձայն, նախորդ շաբաթ (մայիսի 29—ից մինչև հունիսի 3-ը) Հայաստանի բանկերը տրամադրել են 48.7 մլրդ դրամի և 44.7 մլն դոլարի վարկեր: Դրան նախորդող ժամանակահատվածի համեմատ վարկերի ծավալների դինամիկան հետևյալն է. դրամային վարկերի ծավալների 21% անկումը փոխարինվել է 25,2% աճով, իսկ դոլարային վարկերի ծավալների 2.2 անգամ աճը փոխարինվել է 30% անկմամբ:
Լիզինգ. Առավելություններ եվ հնարավորություններ (Հարցազրույց «Արմսվիսբանկ»-ի գործադիր տնօրենի տեղակալ - վարկավորման դեպարտամենտի տնօրեն` Գրիգոր Հովհաննիսյանի հետ)
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված