Արմինֆո. Կոնվերս Բանկն առաջարկում է ամառային հանգստի կազմակերպման լավագույն տարբերակը՝ ConverseQuota ծառայության գործարկմամբ Բանկի քարտապանների համար ընդլայնելով վարկային գծի/սահմանաչափի օգտագործման հնարավորությունները:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Հայաստանում սա աննախադեպ առաջարկ է, որը թույլ է տալիս սպասարկման և առևտրի ոլորտներում բանկի գործընկերային ցանցում վարկային քարտով իրականացնել շահավետ գնումներ՝ դրանց դիմաց վճարելով աստիճանաբար, առանց տոկոսագումարի կամ միջնորդավճարի:
«Մասնավորապես, ConverseQuota ծառայության շրջանակում հաճախորդների վարկային գծից/սահմանաչափից առանձնացվելու է գնված ապրանքի կամ ծառայության արժեքի չափով գումար և ձևակերպվելու է որպես մարման մինչև 12 ամիս ժամկետով անտոկոս վարկ: Գնված ապրանքի արժեքը մարվելու է վարկավորման ժամկետի ընթացքում՝ հավասարաչափ վճարումներով՝ հաճախորդներին հնարավորություն ընձեռելով միանգամից մեծ գումար չվճարելով` օպտիմալացնել ծախսերը և պլանավորել ընտանեկան բյուջեն»,- նշոեւմ է աղբյուրը՝ ընդգծելով, որ վարկի սպասարկման ժամանակահատվածում գնված ապրանքի արժեքի նկատմամբ տոկոսագումար չի հաշվարկվում:
Զուգահեռաբար, վարկային սահմանաչափից ծախսված միջոցներն ավտոմատ համալրվում են գնված ապրանքի կամ ծառայության արժեքի ամսական մարման չափով:
Բանկում ընդգծել են, որ ConverseQuota ծառայության ներդրման առաջին փուլում Կոնվերս Բանկի վարկային սահմանաչափ/գիծ ունեցող քարտապանները հնարավորություն կստանան օգտվել «Վիզա Կոնկորդ», «Տաթև», «Լիբերթի» և «Գասա», «Սպուտնիկ» տուրիստական գործակալությունների և Fly Dubai ավիաընկերության ծառայություններից և շահավետ պայմաններով գնել ուղեգիր, ավիատոմս, ներգնա ու արտագնա տուրիստական փաթեթ:
«Ներկայում բանակցություններ են ընթանում սպասարկման և ծառայությունների ոլորտներում գործընկերային ցանցի ընդլայնման և հաճախորդներին ավելի համապարփակ ծառայությունների մատուցման ուղղությամբ: Առաջիկա օրերին ConverseQuota ծառայության գործընկեր կազմակերպությունների ցանկը կհամալրի «Արմենիա» ավիաընկերությունը»,- նշել են բանկում:
Նշենք, որ Կոնվերս բանկը Հայաստանում գործում է 1996 թվականի սեպտեմբերից: 2017 թվականի հունվարի 1-ի դրությամբ բանկի բաժնետերերն են`Advanced Global Investments LLC`80,94%, «Հայփոստ Թրասթ Մենեջմենթ Բի.Վի.» ընկերություն` 14.06% և Էջմիածնի Մայր տաճար` 5%, բայց 100% բաժնետոմսերի անուղղակի տնօրինողն է Holding Company "Blakery Assets" LTD ընկերությունը:
Հայաստանին անհրաժեշտ է արդեն փորձարկված ատոմային էներգաբլոկ. մասնագետ
Տնտեսագետ. առանց արդյունաբերության զարգացման միջնաժամկետ հեռանկարում Հայաստանում լուրջ տնտեսական աճ ակնկալելու հարկ չկա
Հայաստանում կկարգավորվի կառուցապատողից անշարժ գույքի ձեռք բերման գործընթացը
"Սեպուհ-1" ձեռնարկությունը երկարաժամկետ հեռանկարում մտադիր է կազմակերպել գծային արտադրություն, ինչը թույլ կտա ավտոմեքենաներ արտահանել ԵԱՏՄ երկրների շուկա
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում