Վալովայա. Հայաստանը հաջող ինտեգրման օրինակ է՝ դրական դինամիկա ցուցաբերելով ընդհանուր բացասական ֆոնի պայմաններում

Արմինֆո. Չնայած 2016 թ. եվրասիական տնտեսական տարածությունում ընդհանուր ապրանքաշրջանառության բացասական միտումին, որը կրճատվել է 6,7%-ով՝ Հայաստանն ավելացրել է Միության երկրների շուկաներ արտահանման մատակարարումները 53%-ով: Այդ մասին հուլիսի 6-ին «Հայաստանի Հանրապետություն. 2 տարի ԵԱՏՄ-ում» կլոր սեղանի ընթացքում հայտնել է Եվրասիական տնտեսական հանձնաժողովի անդամ, ինտեգրման և մակրոտնտեսության հարցերով նախարար Տատյանա Վալովայան՝ նշելով, որ աճ է արձանագրվել, մասնավորապես, Հայաստանի համար կարևոր ցուցանիշների գծով:

Այս առնչությամբ նա նշել է գյուղատնտեսական արտադրանքը՝ ընդգծելով, որ հայկական խաղողի  մատակարարումները ԵԱՏՄ աճել են 5.9 անգամ, պոմիդորի մատակարարումները՝10 անգամ: Գրանցված դրական միտումները,նրա խոսքով, կապված են Հայաստանի արդյունաբերական արտադրության աճի հետ, որը տարեկան կտրվածքով աճել է 6,7%-ով, ինչը գերազանցում է Միությունում միջին ցուցանիշը: ԵՏՀ նախարարը նշել է, որ այդ միտումը շարունակվում է նաև ընթացիկ տարում: Մասնավորապես՝ փոխադարձ առևտրի ծավալը I եռամսյակում ավելացել է 38,4%-ով՝ մինչև $102.5 մլն՝ գերազանցելով 2014 թ. մակարդակը 49%-ով և երեք անգամ 2015 թ. մակարդակը: Հայաստանի արդյունաբերական արտադրությունը, նրա խոսքով, այդ ժամանակաշրջանում անցած տարվա նույն ժամանակաշրջանի համեմատ աճել է 16,2%-ով: Վալովայան ընդգծել է, որ Հայաստանն առաջատար դիրքերից մեկն է զբաղեցնում ԵԱՏՄ երկրների շարքում ՀՆԱ աճով  6,7% (մամուլի հաղորդագրությունում՝ 6,5% և վիճակագրական տվյալներում՝ 6,6%):

Խոսելով ԵԱՏՄ Հայաստանի արտահանման՝այս տարվա ապրիլին արձանագրված 4% անկման մասին (մեկ տարի առաջվա նույն ժամանակաշրջանի 25% աճի փոխարեն/՝Վալովայան պարզաբանել է. «Միանգամայն հնարավոր է, որ անկումը տեղի է ունեցել այն ցուցանիշների գծով, որտեղ ավելի վաղ մեծ աճ էր արձանագրվել, ինչի առնչությամբ կրճատվել է արտահանման պահանջարկը: Կարիք չկա բացարձականացնել վիճակագրական տվյալները»:

Սակայն, միևնույն ժամանակ Հայաստանի ավանդական գործընկերը Միության շրջանակներոմ շարունակում է մնալ Ռուսասանը: Մասնավորապես, ՌԴ մասնաբաժինը Հայաստանի արտահանման ընդհանուր կառուցվածքում  գերազանցում է 20%-ը, մինչդեռ Բելառուսին բաժին է ընկնում 1% , Ղազախստանին 0,2%: Պատասխանելով ԱրմԻնֆո-ի հարցին՝ Վալովայան ասել է. «Այո, ընդհանուր առևտրաշրջանառության կառուցվածքում մասնաբաժինը չի փոխվում, բայց դինամիկան ինքնին տպավորիչ է: Խոչընդոտներն աստիճանաբար բացառվում ենք, և այսօրվա թվերը դրա վկայությունն են»: Այդ առնչությամբ նա հայտնել է, որ Բելառուս Հայաստանի մատկարարումների ծավալներն աճել են 2.1 անգամ, Ղրղըզստան՝ 2.8 անգամ, Ղազախտան՝ 3 անգամ: 

Ամփոփելով ԵԱՏՄ-ին Հայաստանի անդամակցության արդյունքները՝ Վալովայան նշել է, որ Հայաստանի միացումը տեղի է ունեցել բարդ ժամանակաշրջանում: «Եթե մենք չգործարկեինք ԵԱՏՄ-ն, այսօր բոլորը կսկսեին պաշտպանել ազգային շուկաները, ինչի հետևանքով մենք կբախվեինք հովանավորչության աճի և փոխադարձ առևտրի սահմանափակող միջոցների: Իսկ հիմա, չնայած տնտեսական բարդություններին, շուկաները բաց են, և Հայաստանը հաջող ինտեգրման վառ օրինակ է՝ դրական դինամիկա ցուցաբերելով ընդհանուր բացասական ֆոնի պայմաններում»,- ասել է նա: