Արմինֆո. Մենք որևէ հակասություն չենք տեսնում ԵՄ հետ Հայաստանի համագործակցության հարցում, «Հայաստանի Հանրապետություն. 2 տարի ԵԱՏՄ-ում» կլոր սեղանի շրջանակներում այդպիսի կարծիք է հայտնել է Եվրասիական տնտեսական հանձնաժողովի անդամ, ինտեգրման և մակրոտնտեսության հարցերով նախարար Տատյանա Վալովայան՝ մեկնաբանելով ՀՀ և ԵՄ միջև պայմանագրի ստորագրումը: «Ավելին, մենք ողջունում ենք գործընկերության մասին նման պայմանագիրը»,- ընդգծել է նա:
ԵՏՀ նախարարի խոսքով, ԵՄ հետ արդեն համանման պայմանագիր է ստորագրել Ղազախստանը, Ղրղըզստանը քննարկում է բանակցություններ սկսելու հնարավորությունը, Բելառուսը նույնպես հաջողությամբ աշխատում է այդ ուղղությամբ: Այդ առնչությամբ նա հայտնել է, որ 2015 թ. աշնանը ԵՏՀ-ն հանդես է եկել երկխոսություն սկսելու մասին՝ Եվրահանձնաժողովին ուղղված առաջարկով: Սակայն, Վալովայայի խոսքով, եվրոպացի գործընկերները դեռ պատրաստ չեն բանակցությունների սկսմանը՝ վկայակոչելով Ռուսաստանի հետ քաղաքական խնդիրները:
Ըստ որում, ամենամտահոգող հարցը ստեղծված բացասական միտումներում, նրա կարծիքով, այն է, որ երոպական բիզնեսը կորցնում է իր դիրքերը եվրասիական շուկայում: Մասնավորապես, նա նշել է, որ 2016 թվականին ԵՄ ներմուծումը ԵԱՏՄ երկրների շուկաներ կրճատվել է 3%-ով, իսկ I-ին եռամսյակում անկման տեմպերն արագացել են մինչև 8%: «Առաջին անգամ Ասիական-Խաղաղօվկիանոսյան տարածաշրջանի երկրների ներմուծումը գերակշռում է ԵՄ-ից ներմուծման ծավալների նկատմամբ: Այդ պատճառով այսօր մենք ողջունում ենք Եվրամության հետ ցանկացած տեսակի պայմանավորվածություն»,- ասել է նապարարը :
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |