Հինգշաբթի, 13 Հուլիսի 2017 13:42

Արմինֆո. Հայաստանում Ֆրանսիայի դեսպան Ժան-Ֆրանսուա Շարպանտյեն դժգոհ է հայ-ֆրանսիական ներկայիս տնտեսական հարաբերություններից:

«Հայ-ֆրանսիական տնտեսական հարաբերությունները հեռու են ցանկալի լինելուց: Ապրանքաշրջանառությունը կազմում է մոտ 50 մլն.եվրո: Իրավիճակը ներդրումների ոլորտում մի փոքր ավելի լավ է: Իրավիճակի փոփոխության միտումներ կան, բավական խոշոր ֆրանսիական ընկերություններ հետաքրքրված են հայկական շուկայով», - ասել է դեսպանը հուլիսի 13-ին կայացած մամուլի ասուլիսում:

Դիվանագետը նաև նշել է այն հեռանկարները, որոնք բացում են համագործակցությունը ԵԱՏՄ շուկայի հետ:

Նա նաև հիշեցրել է, որ Հայաստանում արդեն գործում են մի քանի ֆրանսիական ընկերություններ, որոնք ընդգրկում են տարբեր ոլորտներ, այդ թվում, երկու դեղագործական ընկերություն: «Որպեսզի ֆրանսիական բիզնեսի ներկայությունը լինի ավելի նշանակալի, կարևոր է հայկական շուկայում արդեն գործող ֆրանսիական ընկերությունների արձագանքը», - եզրափակել է դիվանագետը:

Նշենք, որ ըստ ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Ֆրանսիայի միջև 2016 թվականին կազմել է $ 56,8 մլն, տարեկան անկումը`19.3%: Արտահանումը կազմել է $ 3,8 մլն, տարեկան անկումը`28.4%, իսկ ներմուծումը`$ 53 մլն, տարեկան անկումը`18,6%: