Փորձագետ. ԵԱՏՄ անդամակցությունից հետո Հայաստանը էլեկտրաէներգիա սպառող պետությունից կարող է վերածվել էլեկտրաէներգիա արտահանող պետության

Արմինֆո.ԵԱՏՄ անդամակցությունից հետո Հայաստանը էլեկտրաէներգիա սպառող պետությունից կարող է վերածվել էլեկտրաէներգիա արտահանող պետության, քանի որ ԵԱՏՄ անդամակցությունը նոր հնարավորություններ է բացել հանրապետության էներգետիկ ոլորտի համար:

Այդ մասին հայտարարել  է ԳԱԱ Արևելագիտության ինստիտուտի տարածաշրջանային և միջազգային հետազոտությունների բաժնի ավագ գիտաշխատող, Եվրասիական փորձագիտական ակումբի անդամ Արմեն Մանվելյանը` «Հայաստանի փորձագիտական և կրթական հանրության դերը եվրասիական տնտեսական ինտեգրման զարգացման գործում՚ կլոր սեղանի ընթացքում:

«էներգետիկ առումով այնպիսի հզոր կազմակերպությանն անդամակցելը, ինչպես ԵԱՏՄ, երկիրը կապահովի համեմատաբար ցածր գներով էներգառեսուրսներով և հնարավորություն կընձեռի էլեկտարէներգիա արտահանել այդ շուկա՚, - նշել է նա: Մանվելյանը հիշեցրել է, որ ԵԱՏՄ շուրջ պայմանագրի շրջանակում համաձայնեցված է համագործակցության էներգետիկ բաղադրիչը: Նրա համոզմամբ, ԵԱՏՄ ընդհանուր էներգետիկ շուկայի ստեղծումը դառնում է այդ միության ռազմավարական նպատակ, ինչը լրացուցիչ գրավչություն է հաղորդում այդ միավորմանը ոչ միայն նախկին խորհրդային հանրապետությունների, այևը ուրիշ պետությունների համար: «Ընդհանուր էներգետիկ տարածությունը հնարավորություն է ընձեռում համակարգելու այդ միավորման անդամ պետությունների էնեգետիկ քաղաքականությունը, իսկ դա, իր հերթին, նոր հնարավորություններ է բացում տեղերում էներգետիկայի զարգացման և մրցունակ շուկաների ստեղծման համար` այդ բնագավառ լրացուցիչ ռեսուրսների և տեխնոլոգիաների ներգրավման համար: Էներգետիկայի զարգացումն իր հերթին մեծացնում է էներգետիկ անվտանգության համակարգի ստեղծման և զարգացման հնարավորությունը ոչ միայն մեկ պետության շրջանակում, այլև ԵԱՏՄ անդամ մյուս պետությունների ներգրավմամբ ակտիվներով, որոնք  հետաքրքված են էներգետիկ անվտանգության ընդհանուր համակարգի ստեղծմամբ՚, - ընդգծել է նա, հավելելով, որ էներգետիկ շուկաների ինտեգրումը հնարավորություն կտա ավելացնելու էլեկտրաէներգիայի արտահանումն ու ներմուծումը ԵԱՏՄ երկրներ, նման հեռանկարը շատ կարևոր է Հայաստանի համար:

Մանվելյանի համոզմամբ, ԵԱՏՄ անդամակցումը նոր շունչ է հաղորդում Հայաստանի էներգետիկ ինդուստրիային` երկիրը էներգասպառող երկրից վերածվում է էներգիա արտադրող և արտահանող երկրի: Եվ նման հեռանկարը փոխում է Հայաստանի էներեգտիկայի դերը, արդյունքում` այն կարող է դառնալ լոկոմոտիվ հանրապետությունում, ընդհանուր առմամբ, տնտեսության զարգացման համար: Նշենք, որ կլոր սեղանը կազմակերպել են Եվրասիական տնտեսական հանձնաժողովը, Եվրասիական փորձագիտական ակումբը, «Ինտեգրում և զարգացում՚ հետազոտական-վերլուծական ՀԿ  և «Նորավանք՚ հիմնադրամը: