Դեբյուտ Հայաստանի կապիտալի շուկայում - հիփոթեքային վարկերի սեկյուրիտիզացիա

Արմինֆո. Հայաստանի կապիտալի շուկայում առաջին անգամ իրականացվել է հիփոթեքային վարկերի սեկյուրիտիզացիա, և այդ գործընթացը նշանավորեցին ԱՐԱՐԱՏԲԱՆԿԸ և «Առաջին հիփոթեքային ընկերություն» ունիվերսալ վարկային կազմակերպությունը (ԱՀԸ ՈւՎԿ): Մասնավորապես, ԱՀԸ ՈւՎԿ-ն թողարկել է պարտատոմսեր միանգամից երկու տրանշ`դոլարով և դրամով, 100 միլիոն դրամ և $ 500 հազ. ծավալներով, որոնք ապահովված են հիփոթեքային վարկերով, անդերռայթերով և մարկետմեյքերով, որի դերում հանդես է գալիս ԱՐԱՐԱՏԲԱՆԿԸ:

Ինչպես այդ իրադարձությանը նվիրված մամուլի ասուլիսում դեկտեմբերի 12-ին հայտարարել է ԱՐԱՐԱՏԲԱՆԿԻ գործադիր տնօրենի տեղակալ Դավիթ Հարությունյանը, դեբյուտային հիփոթեքային պարտատոմսերի պահանջարկ 34% գերազանցեց առաջարկը և հաջողվեց տեղաբաշխել ամբողջ ծավալը: ԱՐԱՐԱՏԲԱՆԿԻ ներդրումային դեպարտամենտի ղեկավարը Էդգար Էվոյանն էլ իր կողմից է հավելել, որ ներկա պահին ապահովման մակարդակը հասնում է 103%-ի, այսինքն, ներդրողի միջոցներն ավելի քան 50%-ով ապահովված են հիփոթեքային անշարժ գույքով: Էմիսիայի պրոսպեկտում ապահովման առումով պարզվում է, որ հիփոթեքային վարկերի հիմնական գումարի մնացորդը 2017 թվականի նոյեմբերի 1-ին համապատասխանաբար կազմել է`152.6 մլն դրամ և 364.9 մլն դրամ, ինչը նախատեսված է դրամով և դոլարով թողարկումներով:

Դրամով FMGCB1 պարտատոմսերի տեղաբաշխման արդյունքներն են.

Պարտատոմսերի (ISIN - AMFMGCB21ER3) տեղաբաշխման ընթացքում կնքվել է 9 գործարք: Պարտատոմսերն ամբողջությամբ տեղաբաշխվել են, որի արդյունքում ընկերությունը ներգրավել է 500,046.7 ԱՄՆ դոլար: Տեղաբաշխված պարտատոմսերի կտրման գինը կազմել է 25 ԱՄՆ դոլար, կտրման եկամտաբերությունը`  6.500%, միջին կշռված եկամտաբերությունը` 6.4950%:

Դոլարով թողարկման FMGCB2 պարտատոմսերի տեղաբաշխման արդյունքներն են.

Պարտատոմսերի (ISIN - AMFMGCB22ER1) տեղաբաշխման ընթացքում կնքվել է 7 գործարք: Պարտատոմսերն ամբողջությամբ տեղաբաշխվել են, որի արդյունքում ընկերությունը ներգրավել է 100,004,450 ՀՀ դրամ: Տեղաբաշխված պարտատոմսերի կտրման գինը կազմել է 10,000 ՀՀ դրամ, կտրման եկամտաբերությունը`  10.500%, միջին կշռված եկամտաբերությունը` 10.4976%:

«Սա աննախադեպ թողարկում է Հայաստանի կապիտալի շուկայում, և նման թողարկումները կկրեն երկարժամկետ բնույթ», - ընդգծեց Դ. Հարությունյանը:

Իր հերթին, «ԱՀԸ» ՈւՎԿ գլխավոր տնօրեն Դավիթ Աթանեսյանը նշել է, որ հաջորդ տրանշի թողարկման ծավալը կլինի ավելի մեծ, իսկ շրջանառության ժամկետն ավելի երկար, հավելելով, որ հիփոթեքային պարտատոմսերի տեղաբաշումից ստացված միջոցները կուղղվեն նոր հիփոթեքային վարկերի տրամադրմանը:

ՆԱՍԴԱՔ ՕԷՄԷՔՍ Արմենիայի Գլխավոր տնօրենի տեղակալ պարոն Կարեն Զաքարյանի խոսքով, մինչև 2017-ի ավարտն սպասվում է նոր թողարկում, որի ընդհանուր ծավալը համարժեք կլինի մոտ 20-25 մլն դոլարին:

Նշենք, որ ԱՐԱՐԱՏԲԱՆԿՆ իր թողարկած կորպորատիվ պարտատոմսերի ծավալներով առաջատարն է Nasdaq OMX Արմենիա ֆոնդայի բորսայում, որի մի մասն արդեն մարված է, իսկ 2017 թվականի դեկտեմբերի 12-ի դրությամբ շրջանառվում են 7 տրանշերը, որից 6-ը` դոլարով: ԱՐԱՐԱՏԲԱՆԿԻ վարկային պորտֆելի ծավալը 2017-ի հոկտեմբերի 1-ին կազմել է ավելի քան 120 մլրդ.դրամ կամ $ 251 մլն., տարեկան աճը`71.5%: Բանկի զուտ շահույթը 2017 թվականի 9 ամիսներին կազմել է ավելի քան 1.7 մլրդ դրամ կամ $ 3.6 մլն, տարեկան աճը`2.4 անգամ:

Ըստ ԱրմԻնֆո գործակալության`Հայաստանի վարկային կազմակերպությունների Ռենկինգի, 2017 թվականի սեպտեմբերի 30-ի դրությամբ «Առաջին Հիփոթեքային Ընկերություն» ՈւՎԿ վարկային պորտֆելը կազմել է 7.4 մլրդ դրամ կամ $ 15,4 մլն, տարեկան աճը`6,8%: Ընկերությունը հայաստանյան շուկայում գործում է 2004 թվականի ապրիլից: 2017 թվականի հոկտեմբերի 1-ի դրությամբ Ընկերության բաժնետերերն են` Նշան Աթինիզյանը - 35%, Մարգրիտ Աթինիզյանը - 35%, Դավիթ Աթանեսյանը - 30%: