Երեթշաբթի, 19 Դեկտեմբերի 2017 19:09
Նաիրա Բադալյան

Հայաստանի կառավարությունը հուսով է, որ մեկ տարի անց կսկսի գործել գյուղատնտեսական ռիսկերի ապահովագրության ծրագիրը

Հայաստանի կառավարությունը հուսով է, որ մեկ տարի անց կսկսի գործել գյուղատնտեսական ռիսկերի ապահովագրության ծրագիրը

Արմինֆո. Հայաստանում գյուղատնտեսական ռիսկերի ապահովագրության ծրագիրը կարող է սկսվել 2018 թվականից կամ 2019 թվականի սկզբից: Այս մասին դեկտեմբերի 19-ի կայացած ասուլիսում հայտարարել է ՀՀ գյուղատնտեսության փոխնախարար Արմեն Հարությունյանը, պատասխանելով ԱրմԻնֆո գորչծակալության հարցին: Ծրագրի ընդհանուր սուբսիդավորումը կկազմի 10 մլն եվրո:

 

Ներկայումս, նշել է փոխնախարարը, պատրաստվում է հակակարկտային ցանցերի սուբսիդավորման ծրագիրը, որը կգործի 2018 թվականին: Զուգահեռաբար կիրականացվի գյուղատնտեսական ապահովագրության համակարգի ներդրման ծրագիրը:

 

Արմեն Հարությունյանը նշել է, որ Գերմանիայի KFW բանկը 5,3 մլն եվրո կտրամադրի գյուղատնտեսության ապահովագրության ներդրման փորձնական ծրագրի իրականացմանը: Դրանցից միայն 4.8 մլն եվրոն է օգտագործվելու միայն ապահովագրության սուբսիդավորման համար: Մնացած 515 հազար եվրոն կուղղվի խորհրդատվական ծախսերին: Հայաստանի կառավարությունը, որը ներկայացված է Գյուղատնտեսության նախարարության միջոցով, համաֆինանսավորման նպատակով  կծախսի 5 մլն եվրո: Բացի այդ, Կլիմայի ներդրումային հիմնադրամի կողմից տրամադրվել է 2 մլն եվրո, որից 200,000-ը կտրամադրվի սուբիսդավորման վճարներին, 1,8 մլն-ը` խորհրդատուի վարձրատրությանը:

 

Խորհրդատվությունով, ըստ փոխնախարարի, կզբաղվի կոնսորցիումը, որը բաղկացած է երեք ընկերություններից` MF Strategy (Շվեյցարիա), Agro Micro Finance (Ամերիկա) և իտալական Agro Insurance Europe ընկերությունները: Բացի այդ, այդ ընկերությունների հետ միասին ՀՀ գյուղատնտեսության նախարարությունը և Կենտրոնական բանկը պատրաստում են առաջին փորձնական նախագիծը, որի շրջանակներում նախատեսվում է ստեղծել Գյուղատնտեսական ռիսկերի կառավարման ազգային բյուրո: Բյուրոն, ըստ Հարությունյանի, կդառնա մի գործիք, որով կգնահատվեն բնական էկոլոգիական աղետների հետևանքները: Կստեղծվի վնասների գնահատման ինստիտուտ, ընտրվելու են հիմնական ապահովագրական ռիսկերը: Բյուրոն կզբաղվի նաև ապահովագրական պրոդուկտների մշակումով: Այստեղ, ինչպես նշել է նախարարի տեղակալը, հայկական կողմը կկենտրոնանա նաև Լիտվայի փորձի ուղղությամբ, որտեղ գերմանական ապահովագրական ընկերություններն ապահովագրում են մոտ 12% գյուղատնտեսական ձեռնարկությունների բերքը: Հարությունյանը նշել է, որ ապահովագրությունը սկզբնական շրջանում կտարածվի մրգերի, և ապա բանջարեղենի և հացահատիկային ապրանքների վրա:

 

Առաջին փուլում ծածկվող ռիսկերը կարող են ընդգրկել կարկուտից առաջացած վնասները, իսկ հետագայում, հնարավոր է, ցրտահարություններից ու երաշտից: Բյուրոյի ստեղծման, կադրերի վերապատրաստման և գնահատողների ինստիտուտի ձևավորման նպատակով, ինչպես նաև ենթաօրենսդրական ակտերի մշակմանը կհատկացվի 1.9 մլն. եվրո:Մոտ օրերս կընտրվի նաև վերաապահովագրական կազմակերպությունը, ուր տեղական ընկերությունները կապահովաագրեն իրենց ռիսկերը:

 

Միևնույն ժամանակ, 2014 թվականին KfW- ն Հայաստանին և Վրաստանին գյուղատնտեսական ապահովագրության հայեցակարգի մշակման համար տրամադրել էր ավելի քան 400 հազար եվրո: Այսօր, խոսելով այդ աշխատանքների արդյունքների մասին, որոնք ավարտվել են 2015 թ. սեպտեմբերին, BFC խորհրդատվական ընկերության կողմից, Արմեն Հարությունյանը հայտարարեց, որ արդեն բացահայտվել են ապահովագրական ռիսկերը, ինչպես նաև համակարգի ներդրման հնարավոր մոդելները, ինդեքսավորելով կամ գնահատելով վնասը, նախընտրելով վերջինը: Խորհուրդ է տրվել նաև, թե որ օրենսդրական ակտերը պետք է ընդունվեն գյուղատնտեսության ապահովագրության ներդրման համար: Սակայն մինչ օրս անհասկանալի է, թե հատկապես որ սխեմայով կներդրվի համակարգը`պետական ​​աջակցությամբ, կամավոր ապահովագրությամբ, թե պարտադիր ապահովագրությամբ: Տեղական ապահովագրական ընկերություններից ոչ մի հայտարարություն չկա, որ նրանք շահագրգռված են համակարգի ներդրման մեջ: Այնուամենայնիվ, փոխնախարարի խոսքերով, գյուղ-ապահովագրությունն ապահովագրողների համար գրավիչ ապրանք է լինելու:

 

Հիշեցնենք, որ գյուղատնտեսությունում ապահովագրության ներդրման մասին խոսակցությունները շրջանառցում են ավելի քան 10 տարի: Միևնույն ժամանակ, ըստ անկախ փորձագետների, Հայաստանի գյուղատնտեսությունը շատ վնասաբեր է, ինչը պայմանավորված է մի քանի գործոններով: Նախ, դա ռիսկերի կոնցենտրացիան է փոքր տարածքում, և երկրորդ, խոցելիությունը գրեթե բոլոր առկա ռիսկերին`ջրհեղեղներ, ցրտահարություններ, կարկուտ և սողանքներ:.

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
11.08.2020
RUB6.660.07
USD485.320.09
EUR572.141.46
GBP635.722.20
CAD365.072.61
JPY45.76-0.02
CNY69.62-0.05
CHF531.451.84



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000