Բիթքոինի միջազգային փորձագետ Նիք Սպանոսը պատմական այց կկատարի Հայաստան

Արմինֆո. Ազգային ժողովում ՀՀ ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը հայտարարել է, որ հունվարի 24-ին պատմական այցով Հայաստան կժամանի բիթքոինի միջազգային փորձագետ, Blockchain Technologies Corporation-ի տնօրեն Նիք Սպանոսը՝ քննարկելու Հայաստանում կրիպտոարժույթի նորարարության հեռանկարները:

Նշենք, որ Նիք Սպանոսը 2013-ին Նյու Յորքում հիմնել է Բիթքոին կենտրոնը` որպես առաջին ֆիզիկական բիթքոինի փոխանակման հաստատություն, որը տեղակայված է անմիջապես Նյու Յորքի ֆոնդային բորսայի հարևանությամբ: Նա նաև նկարահանվել է «Բիթքոինի բանկային գործառնույթներե վավերագրական ֆիլմում, հանդիսանում է Zap.org նախագծի համահեղինակը, որի նպատակն է՝ իրականացնել տվյալների թարմացումներ՝ հնարավորություն ընձեռելով կնքելու խոշոր պայմանագրեր, որոնք մեծ դեր են խաղում Էթերիումի բլոքչեյնի հրատապ խնդիրների լուծման հարցում:

Վերջին ամիսների ընթացքում պրն Սպանոսը առաջարկել է կառավարություններին ընդունել կրիպտոարժույթը և կիրառել բլոքչեյնըª դառնալու տարածաշրջանային և միջազգային տեխնիկական կենտրոններ: Նոյեմբեր ամսին Բելառուսում անցկացված Բլոքչեյնի համաժողովում Սպանոսը ներկայացրել է բլոքչեյնի գլխավոր գաղափարը, որից հետո Բելառուսի նախագահն ընդունել է պատմական նշանակություն ունեցող որոշում, ըստ որի՝ երկրի կրիպտոարժույթի քաղաքականությունը ենթակա է ազատականացման: Դեկտեմբեր ամսին նա հանդես է եկել նաև Վենեսուելայի կենտրոնական բանկում տեղի ունեցած առաջին Բլոքչեյն համաժողովում:

«Մեզ համար մեծ պատիվ է ընդունելու պարոն Սպանոսին և իր գլխավորած պատվիրակությունը: Ամեն տարի Հայաստանը ներկայացնում է աշխարհի լավագույն ինժեներներին: Պարոն Սպանոսի ղեկավարությամբ մենք ցանկանում ենք հասկանալª ինչպես կարող ենք դառնալ կրիպտոարժույթի առաջատարներ»,- հայտարարել է Գագիկ Մինասյանը:

Նշենք, որ հանդիպումը կազմակերպվել է Դանիայում Հայաստանի դեսպանատան համագործակցությամբ դեսպան Ալեքսանդր Արզումանյանի գլխավորությամբ:

«Մենք հպարտ ենք Երևանում ամենաբարձր մակարդակով ներկայացնելու փորձաքննությունը՝ արագացնելու բլոքչեյն տեխնոլոգիաների համայնքը: Պարոն Սպանոսը բլոքչեյն արտիստ է, և ես չէի կարող այլ մեկին պատկերացնել մեր արդյունաբերությանն օգնելու հարցում»,- ասել է Ալեքսանդր Արզումանյանը: