2017 թվականին Ֆինհաշտարարի օգնությամբ ֆինանսական կազմակերպությունները փոխհատուցել են 181,3 մլն դրամ

Արմինֆո. 2017 թվականին Ֆինհաշտարարի օգնությամբ ֆինանսական կազմակերպությունները փոխհատուցել են 181,3 մլն դրամ: Այս մասին հունվարի 24-ին Հայաստանի ֆինանսական համակարգի հաշտեցման գրասենյակի 9-ամյակին նվիրված վերջնականը նվիրված մամուլի ասուլիսում հայտարարել է Հայաստանի ֆիննհաշտարար Փիրուզ Սարգսյանը:

Նրա խոսքերով, այդ գումարը վճարվել է 1455 դեպքերով, 1672 գրավոր բողոքների հիման վրա, ինչը 10% ավելի քան մեկ տարի առաջվա ցուցանիշը: Իսկ 217 գործ դեռ քննարկվում է: Ֆինհաշտարարի գրանսենյակի կողմից ստացված բողոքների ընդհանուր թիվը 2018 թվականի հունվարի 18-ի դրությամբ կազմել է 5020, որի մեծ մասը`4368 բողոքը եղել է   ֆինանսական կազմակերպությունների դեմ, տարեկան աճը`6.02%: Միևնույն ժամանակ, քննարկման վերցված գործերի ընդհանուր ծավալներում ճնշող մեծամասնությունը կամ 1358 բողոք ուղղված է եղել ապահովագրական ընկերությունների դեմ (որի 80%-ը` ԱՊՊԱ գծով), 270 բողոք եղել է բանկերի դեմ, 15 բողոք`ավտոապահովագրողների բյուրոյի, 22-ը` վարկային կազմակերպությունների, 7-ը`այլ կազմակերպությունների դեմ: Նա նշել է, որ քննարկման վերցված գործերի 82% -ը լուծվել է հաճախորդի օգտին: «Արդեն որերորդ տարին մենք կարողանում ենք այս ցուցանիշը պահպանել 80%-ի սահմաններում», - նշել է Փ.Սարգսյանը, հավելելով, որ պահանջների 50% -ը բավարարվել է հաշտեցման միջոցով:

Իսկ Ֆինհաշտարարի ինստիտուտի մեկնարկից, մասնավորապես, 2009 թվականի  հունվարի 24-ից ի վեր ֆինհաշտարարի միջնորդությամբ ֆինանսական կազմակերպությունների կողմից 7517 դեպքերի համար վճարվել է 1.219 միլիարդ դրամ ընդհանուր գումարի փոխհատուցում: Բողոքների ընդհանուր թիվը 9 տարիներին գերազանցել է 20 հազարը: Միևնույն ժամանակ, Փ. Սարգսյանը նշել է, որ բողոքների միջին հաշվով 73,38%-ը լուիծվել է հօգուտ հաճախորդների, իսկ 68%-ը` հաշտեցման միջոցով: «Կարծում եմ, որ սա ցույց է տալիս, որ Ֆինհաշտարարի գրասենյակը կարող է արդյունավետ կերպով աշխատել ինչպես ֆինանսական կազմակերպությունների, այնպես էլ հաճախորդների հետ», - եզրափակել է նա:

Նշենք, որ ֆինանսական հաշտարարի ծառայությունը, որը Հայաստանում գործում է 2009 թվականից և անվճար է, իսկ այդ աշխատանքի դիմաց վճարում են ֆինանսական կազմակերպությունները: