Հինգշաբթի, 8 Փետրվարի 2018 17:35
Մարիաննա Մկրտչյան

Ռուսաստանցի պատգամավոր. Հայաստանի և Ռուսաստանի միջև Աբխազիայով և Վրաստանով երկաթուղային հաղորդակցության վերականգնումը համապատասխանում է Երևանի և Մոսկվայի տնտեսական շահերին

Ռուսաստանցի պատգամավոր. Հայաստանի և Ռուսաստանի միջև Աբխազիայով և Վրաստանով երկաթուղային հաղորդակցության վերականգնումը համապատասխանում է Երևանի և Մոսկվայի տնտեսական շահերին

Արմինֆո. Հայաստանի և Ռուսաստանի միջև Աբխազիայով և Վրաստանով երկաթուղային հաղորդակցության վերականգնումը համապատասխանում է Երևանի և Մոսկվայի տնտեսական շահերին:

 

Ինչպես գրում է «Պառլամենտսկայա գազետան՚, այդ մասին հայտարարել է Ռուսաստանի Պետդումայի կանոնակարգի վերահսկողության կոմիտեի նախագահի տեղակալ Օլեգ Նիլովը: Նա կարծում է, թե, հաշվի առնելով այն հանգամանքը, որ Հայաստանի և Վրաստանի հարաբերությունները նորմալ են, այդ նախագծի իրագործումը  մեծապես կախված է Թբիլիսիի ու Երևանի դիվանագիտական ջանքերից: «Շատ կարևոր է, որպեսզի երկաթուղին ոչ մի մտավախություն  չհարուցի վրացական կողմում՚, - նշել է ռուսաստանցի պատգամավորը, համոզմուքն հայտնելով, որ այդ նախագծում ցանկացած ներդրում  բավականին արագ կվերադարձվի:

 

Ռուսաստանում Հայաստանի դեսպան Վարդան Տողանյանն, իր հերթին, համոզմունք է հայտնել, որ Ռուսաստանից Հայաստան  երկաթուղին կարող էր աշխատել նաև ի շահ Կենտրոնական Ասիայի երկրների, հավելելով, որ Հայաստանն առանձին չի կարող լինել այդ տնտեսական նախագծի շահառու: «Սակայն նման ծրագրերը կամրապնդեին մեր հարաբերությունների քաղաքական բաղադրիչը, և ես լիովին պաշտպանում եմ այդ գաղափարը՚, - հայտարարել է հայ դիվանագետը:

 

Հիշեցնենք, որ «Վերին Լարս՚ անցակետը, որով նախորդ դարի 90-ական թվականներից անցնում է Հայաստանի և Ռուսաստանի միջև միակ ցամաքային ճանապարհը, ձմռան շրջանում պարբերաբար փակվում է ձյան առատ տեղումների, իսկ գարնանը` սելավների պատճառով: Հաշվի առնելով բանակցությունները Ռուսաստանի Դաշնության գործընկերների հետ և Ստեփանծմինդա-Լարս ավտոմոբիլային ճանապարհահատվածում եղանակային պայմաններով պայմանավորված թողունակության սահմանափակումները՝ վարչապետ Կարեն Կարապետյանը հունվարի 26-ին  կառավարության նիստում ՀՀ տրանսպորտի, կապի և տեղեկատվական տեխնոլոգիաների նախարարին հանձնարարել էր ռուսական և վրացական կողմերի հետ քննարկել և մինչև մարտի 1-ը  կառավարության աշխատակազմ ներկայացնել առաջարկություններ այլընտրանքային երթուղիներով տրանսպորտային փոխադրումների կազմակերպման  վերաբերյալ: Որպես այլընտրանք, որը պահանջտում է տարածաշրջանի երկրների քաղաքական որոշում, կարող են ծառայել Հարավային Օսիայի և Աբխազիայի կոնֆլիկտային գոտիներով Վրաստանը Ռուսաստանին  կապող ճանապարհները:

 

Հիշեցնենք, որ 2013-ի հունվարին Վրաստանի վարչապետ Բիձինա Իվանիշվիլին հնարավոր էր համարել ռուս-հայկական երկաթուղու վերաբացումը, որն անցնում է Աբխազիայի տարածքով: Այն ժամանակ Բիձինա Իվանիշվիլին հայտարարել էր, որ բոլոր կողմերի համաձայնության դեպքում հնարավոր կլինի վերաբացել երկաթուղին: Բրիտանական International Alert ոչ կառավարական կազմակերպության հետազոտությունների համաձայն,  1991 թվականից ի  վեր չգործող Երևան-Թբիլիսի-Սուխում-Սոչի երկաթուղու վերակառուցումը կարժենա  277,5 մլն դոլար, որը կհաջողվի վերադարձնել 100 տարուց ոչ շուտ: 251 մլն դոլար պահանջվում է Փսոու-Ինգուր 190 կմ աբխազական հատվածի  վերականգնման համար: Իսկ Զուգդիդից Թբիլիսի և այնուհետև մինչև Երևան երկաթուղին աշխատում է: Ուշագրավ է, որ  աբխազ փորձագետների պաշտոնական եզրակացությունների համաձայն, այդ գումարը կազմում է 350-400 մլն դոլար, մինչդեռ նրանց վրացի գործընկերները կարծում են, որ դրա համար կպահանջվի 73 մլն դոլարից ոչ ավելի:


Նորություններ


Արտ. փոխարժեքները
19.10.2020
RUB6.340.05
USD492.400.25
EUR578.912.65
GBP640.273.48
CAD373.681.46
JPY46.74-0.03
CNY73.480.39
CHF540.032.16



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000