Արմինֆո. «Բոլոր տեսակի փոխադրամիջոցների միջև կապերի ամրապնդումը` կայուն զարգացման բնագավառի նպատակների իրագործան համար՚ բանաձևում հաստատվում է կայուն փոխադրումների դերի բարձրացումը աշխատատեղերի ստեղծման, շարժունակությանն աջակցության և լոգիստիկ շղթաների արդյունավետության մեծացման գործում: Փետրվարի 15-ին Երևանում ճեպազրույցի ժամանակ այդ մասին հայտարարել է Հայաստանում Թուրքմենստանի դեսպան Մուհամեդնիազ Մաշալովը` անդրադառնալով Թուրքմենստանի նախաձեռնությամբ ՄԱԿ-ի ընդունած «Բոլոր տեսակի փոխադրամիջոցների միջև կապերի ամրապնդումը կայուն զարագցման բնագավառի նպատակների իրագործան համար՚ բանաձևին: Դեսպանի հավաստմամբ, բանաձևի համահեղինակ են 74 պետություններ: Դեսպանն ընդգծել է, որ վերը նշված բանաձևը կոչ է անում ջանքեր գործադրել տարածաշրջանային և միջտարածաշրջանային տնտեեսական ինտեգրման և համագործակցության խրախուսման համար:
Նա , միևնույն ժամանակ, ընդգծել է, որ Թուրքմենստանը վեր է ածվում պողպատյա մայրուղիների կարևագույն քառուղու, Եվրասիայի խոշոր տրանսպորտային տարանցիկ կենտրոնի: Նա փաստել է, որ թուրքմեն երկաթուղային շինարարները ակտիվ աշխատանք են տանում մինչև Աֆղանստանի Թուրգունդի քաղաք երկաթգծի անցկացման ուղությամբ, որի մեկնարկը տրվել է 2017 թվականի նոյեմբերին: Դեսպանը նաև հիշատակել է Թուրքմենստանում արդեն գործող խողովակաշարերից զատ Թուրքմենստան-Աֆղանստան-Պակիստան-Հնդկաստան գազամուղի շինարարության մասին, որի մեկնարկը տրվել է անցած դեկտեմբերին: Դեսպանը տեղեկացրել է, որ փետրվարի 23-ին մեկնարկում է ՏԱՊԻ գազամուղի հերթական հատվածի շինարարությունն Աֆղանստանի հետ սահմանին, ինչպես նաև Թուրքմենստան-Աֆղանստան-Պակիստան էլեկտրահաղորդման գծի շինարարությունը: Այդ համատեքստում դեսպանն ընդգծել է, որ տրանսպորտային հաղորդակցությունների զարգացումը դառնում է արդյունավետ միջազգային գործընկերության կարևորագույն պայմաններից մեկը: «Թուրքմենստանի գործուն մասնակցությամբ ստեղծվող նոր մայրուղիները մեծացնում են մեր տարածաշրջանի դերը Եվրասիայի տարածքում կայուն զարգացման ապահովման գործում՚, - եզրափակել է դեսպանը:
Վարդան Արամյան. Հայաստանի տնտեսությունը գերտաքացած է: Պահանջվում են արագ և ոչ պոպուլյար լուծումներ՝ այն սառեցնելու համար
Ինչու՞ խոշոր ենթակառուցվածքային նախագծերը տեղից չեն շարժվում. մասնագետի կարծիքը
Հայաստանի միակ մրցակցային առավելության՝ գիտության մեջ ներդնելու փոխարեն Հայաստանի իշխանությունները ֆինանսավորում են ուժայիններին. տնտեսագետ
Հայաստանի գնաճը սոցիալական աղետ է. տնտեսագետ