Օտարերկրյա կապիտալի մասնաբաժինը Հայաստանի բանկային համակարգի համախառն կանոնադրական կապիտալում 4 տարում նվազել է`74.6% -ից մինչև 61.8%

Արմինֆո. Օտարերկրյա կապիտալի մասնաբաժինը Հայաստանի բանկային համակարգի համախառն կանոնադրական կապիտալում 4 տարում նվազել է`74.6% -ից մինչև 61.8%: Այդ ժամանակահատվածում բանկային շուկայից դուրս է եկել 4 մասնակից, որից երեքը հանդիսանում էին արտասահմանյան բանկերի դուստրեր: Դրանք են`գերմանական ՊրոԿրեդիտ Բանկը, ղազախական ԲՏԱ Բանկը և ռուսական Գազպրոմբանկը:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշների, 2018 թվականի հունվարի 1-ի դրոթյամբ Հայստանի 17 բանկերից 16-ում արձանագրվել է արտասահմանյան կապիտալի մասնաբաժին, այդ թվում օտարերկրյա `

ինստիտուցիոնալ բանկային հաստատությունների դուստրերը`HSBC Բանկ Հայաստան (HSBC, Մեծ Բրիտանիա), Բիբլոս Բանկ Հայաստան (Բիբլոս Բանկ SAL, Լիբանան), Մելլաթ բանկ (Մելլաթ, Իրան) և ՎՏԲ-Հայաստան բանկ (Հայաստան) (ՎՏԲ, Ռուսաստան):

Խոշոր միջազգային ֆինանսական հաստատությունները հայկական բանկերի կապիտալում ներկայացված են ի դեմս`ՎԶԵԲ-ի (ԻՆԵԿՈԲԱՆԿ, Ամերիաբանկ և Հայէկոնոմբանկ), որ Եվրոպայի խոշորագույն «Կրեդիտ Ագրիկոլ» բանկային խմբի (ԱԿԲԱ-Կրեդիտ Ագրիկոլ Բանկ), Ասիական զարգացման բանկի (Ամերիաբանկ), (KfW) - Deutsche Investitions -und Entwicklunsgesellschaft mbH – DEG բանկային խմբի (ԻՆԵԿՈԲԱՆԿ), IFC-ի (ԻՆԵԿՈԲԱՆԿ), Rural Impulse Fund II (բելգիական Incofin Investment Management - Incofin IM խմբի անդամ) - Արարատբանկ:

Ռուսական կապիտալն Արդշինբանկում ներկայացված «Ռեգիոն» արդյունաբերական ֆինանսական կորպորացիայի տեսքով: Երկու բանկերի կապիտալներում իրենց հոլդինգների միջոցով մասնակցում են Էդուարդո Էռնեկյանը (Արգենտինա) - Կոնվերս բանկում, և Վարդան Սիրմաքեշը (Շվեյցարիա) – Արմսվիսբանկում:

Անելիք Բանկի վերահսկիչ փաթեթի անուղղակի սեփականատեր է հանդիսանում Վարդան Դիլանյանը (ՌԴ), որի հետ միասին ուղղակի մասնակցությունը կապիտալում պահպանում է լիբանանյան CreditBank-S.A.L-ը: Evocabank-ի սեփականատերն է ռուսաստանյան գործարար Վազգեն Գևորգյանը, այնպես էլ անմիջականորեն, այնպես էլ իր դուստր ընկերությունների միջոցով:

Օֆշորային ընկերությունների ուղղակի ներկայություն է գրանցվել միայն 3 հայկական բանկերում: Դրանցից երկուսն ունեն միջազգային կարգավիճակ: Միայն Յունիբանկի կապիտալում առյուծի բաժինը (87.7%) պատկանում է Կիպրոսի օֆշորային «Յունիհոլդինգ Ջի Ջի Լիմիթեդ» ընկերությանը, որը վերջնական շահառուներն են ռուսաստանյան գործարարներ Գագիկ Զաքարյանը և Գեորգի Պիսկովը: Նրանց է պատկանում նաև Յունիբանկի բաժնետոմսերի 6.15%-ը (յուրաքանչյուրին):

Նշենք, որ 2018-ի հունվարի 1-ին Հայաստանի բանկերի կանոնադրական կապիտալները ներկայացված են  3437 բաժնետերերով, որոնցից 46-ը ոչ ռեզիդենտներն են: Հայաստանի բանկային համակարգի ընդհանուր կապիտալը նույն ամսաթվով գերազանցել 701 մլրդ դրամը ($ 1.4 մլրդ), որտեղ կանոնադրական կապիտալը կազմել է 66.2% կամ 463.7 մլրդ դրամ ($ 957,9 մլն): 2014-2017 թվականներին համակարգի ընդհանուր կապիտալն աճել է 60,7%, իսկ կանոնադրական կապիտալը`89.2%: Ընդհանուր կապիտալի գծով 5 առաջատարներն են`Ամերիաբանկը, Արդշինբանկը, ԱԿԲԱ-ԿՐԵԴԻՏ ԱԳՐԻԿՈԼ Բանկը, Ինեկոբանկը և Անելիք Բանկը, որոնց մասնաբաժինը կազմում է ընդհանուր կապիտալի մոտ 42%- ը: Կանոնադրական կապիտալով առաջատարներն են`Արդշինբանկ, ՎՏԲ-ՀայաստանԲանկ և Ամերիաբանկ, Անելիք Բանկ, որոնց մասնաբաժինն ընդհանուր կանոնադրական կապիտալում կազմել է ավելի քան 38%:

Հիշեցնենք, որ 2017 թվականից Հայաստանի բանկային համակարգի ընդհանուր կապիտալը պետք է լինի առնվազն 30 մլրդ դրամ: Այդ կապակցությամբ համակարգում դիտվեց կապիտալի ավելացում, այդ թվում`միաձուլումների միջոցով: 2015 թ. վերջին ՊրոԿրեդիտ Բանկը միացավ Ինեկոբանկին, իսկ ԲՏԱ Բանկը`Հայէկոնոմբանկին, իսկ  դեկտեմբերին Առէկսիմբանկ-Գազպրոմբանկի խումբը և Հայկական Զարգացման Բանկը միազան Արդշինբանկին և Արարատբանկին: Արդյունքում, ներկայումս Հայաստանում գործում է 17 բանկ: Ըստ փորձագետների, կապիտալիզացիայի գործընթացը կշարունակվի, և թույլ մասնակիցների շուկայից դուրս գալն անխուսափելի է: