Արմինֆո. Կանանց միջազգային օրվա կապակցությամբ Գրանթ Թորնթոնը ներկայացրել է ղեկավար պաշտոներում կանանց ներգրավվածության վերաբերյալ իր նոր զեկույցը: Համաձայն զեկույցի՝ զգալի թվով ընկերություններ իրենց ղեկավար պաշտոններում առնվազն մեկ կին են ներգրավում (75%՝ 2017թ.-ի 66%-ի համեմատ), սակայն համաշխարհային մասշտաբով գենդերային ճեղքվածքը շարունակում է մնալ ակնհայտ (ղեկավար պաշտոններ զբաղեցնող կանանց թիվը նվազել է՝ 25%-ից իջնելով 24%-ի):
Ինչպես տեղեկացնում է մամուլի ծառայությունը, զեկույցը, որը Գրանթ Թորնթոնը հրապարակել է Կանանց միջազգային օրվա՝ 2018թ.-ին մեկնարկած «գործենք հանուն առաջընթացի» արշավին զուգահեռ, ցույց է տալիս, որ մեթոդների մասին միայն խոսելը բավարար չէ. փոփոխությունների իրական հարթակ ստեղծելու համար անհրաժեշտ է ղեկավար օղակների ընդգրկման ավելի լայն շրջանակ:
Հետազոտության համաձայն՝ ղեկավար պաշտոններում կանանց ներգրավվածության ամենաբարձր ցուցանիշներն են գրանցվել Աֆրիկայի (ընկերությունների 89% իրենց ղեկավար պաշտոններում առնվազն մեկ կին են ներգրավել) և Արևելյան Եվրոպայի (87 %) զարգացող երկրներում, իսկ առավել տպավորիչ են Լատինական Ամերիկայում գրանցված ցուցանիշները (52%-ից բարձրանալով 65%-ի): Սակայն զգալի աճ է գրանցվել նաև Հյուսիսային Ամերիկայում (69%-ից բարձրանալով 81%-ի) և Եվրամիությում(64%-ից բարձրանալով 73%-ի):
Զարգացող երկրները շարունակում են նաև ղեկավար բարձրագույն պաշտոններում բազմազանության ամենաբարձր ցուցանիշները գրանցել, ներառյալ Արևելյան Եվրոպան (36%), Լատինական Ամերիկան (30%) և Աֆրիկան (30%):
Զեկույցի տվյալները ցույց են տալիս, որ Հայաստանը նույնպես այն երկրներից է, որտեղ նկատվել է ղեկավար պաշտոններում կանանց թվի փոքր աճ: Ըստ հետազոտության՝ այս տարի Հայաստանում ղեկավար պաշտոնների 32%-ն են կանայք զբաղեցնում՝ ի համեմատ 2017թ.-ի 31%-ի: Այնուամենայնիվ, ուսումնասիրված հայաստանյան ընկերություններում չի բարելավվել ղեկավար պաշտոններում բազմազանության ցուցանիշը. ընկերությունների 17%-ը կանանց չի ներգրավել ղեկավար պաշտոններում՝ ի համեմատ 2017թ.-ի 10%-ի:
Գրանթ Թորնթոն Հայաստանի տնօրեն-բաժնետեր Գագիկ Գյուլբուդաղյանը մեկնաբանում է. «Ակնհայտ է, որ մեթոդների մասին միայն խոսելը բավարար չէ իրական փոփոխություններ հասնելու համար և գենդերային բազմազանություն ունենալու համար: Դիցուկ, հաջողակ են այն ընկերությունները, որոնց ռազմավարության մեջ խորապես արմատավորված է բազմազանության կարևորությունը: Եթե ցանկանում ենք ականատես լինել իրական փոփոխությունների, ապա ղեկավարները պետք է ընկերության ներսում ստեղծեն այնպիսի մշակույթ, որտեղ յուրաքանյուրի ձայնը լսելի լինի և որտեղ յուրաքանչյուր անհատ կկարողանա հաջողության հասնել՝ անկախ սեռից: Եվ, անխոս, առաջատար են այն ընկերությունները, որոնք գործում են հանուն առաջընթացի»:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Հայաստանի բանկերի միության խորհրդի նախագահ է ընտրվել Մհեր Անանյանը
Հայաստանի միակ մրցակցային առավելության՝ գիտության մեջ ներդնելու փոխարեն Հայաստանի իշխանությունները ֆինանսավորում են ուժայիններին. տնտեսագետ