Երեթշաբթի, 29 Մայիսի 2018 11:08

Արմինֆո. Հաշվի առնելով, որ Հայաստանի յուրաքանչյուր մարզ ունի իր խոհարարական առանձնահատկությունները` գաստրոնոմիան երկրում բավականին հարուստ է: Եվ այդ ուղղությամբ այսօր շուկան շարունակում է ակտիորեն զարգանալ:

Երևանում, և` ոչ միայն, կան բազմաթիվ ռեստորաններ և սրճարաններ` ցանկացած ճաշակի և քսակի համար, որտեղ, ամենագլխավորը, կարելի է համեղ ուտեստներ ճաշակել: Մասնավորապես, National Geographic Traveler Awards 2017 առցանց քվեարկության նախնական արդյունքների համաձայն, Հայաստանը «Գաստրոնոմիա և ագրոտուրիզմ՚ անվանակարգի լավագույն հնգյակում է: Երկրում գաստրոնոմիայի օբյեկտների թվի ակտիվ աճին զուգընթաց ոչ պակաս դինամիկ զարգանում և ավելի պահանջված է դառնում սննդի առաքմամբ զբաղվող ընկերությունների գործունեությունը:

 

Չնայած բարձր մրցակցությանը` Հայաստանում հայտնվում են նոր խաղացողներ, որոնք, հաճախորդներին առաջարկելով սպասարկման նոր ձևաչափ, նպաստում են շուկայի այդ հատվածի էական զարգացմանը: Նման խաղացողներից մեկը Հայաստանում սեփական սուրհանդակային ծառայությամբ սննդի առաքման նոր Sovats.am ծառայությունն է: Ընկերության տնօրեն Արմեն Սարգսյանն ԱրմԻնֆո-ի հետ զրույցում ներկայացրել է Sovats.am ծառայության աշխատանքի առանձնահատկությունները և շուկայի հետագա զարգացմանն առնչվող իր տեսլականը:

 

Ա. Սարգսյանի ասելով, մեկուկես տարի առաջ իր թիմից պահանջվել էր շուկայի հետազոտում: «Նախքան այս կամ այն ոլորտում գործունեություն սկսելը հարկավոր է լիովին հասկանալ այն բնագավառը, որում մտադիր ես աշխատել: Մենք քայլ առ քայլ հետազոտել ենք Հայաստանի գաստրոնոմիական շուկան, մասնավորապես, առաքման շուկան, դրա պահանջները: Եվ այն ամենի շուրջ 90-95%,  ինչը մենք մեզ համար պարզեցինք, համապատասխանում է իրականությանը՚, - նշել է Sovats.am-ի ղեկավարը: Գաստրոնոմիայի շուկան բավականին մրցակցային է, շարունակել է նա: Ինչին զուգընթաց շատ ռեստորաններ պատրաստ են իրենք սնունդն առաքել, մասնավորապես, աշխատում են առանձին մասնագիտացված ծառայություններ: Ընդ որում, հայ սպառողը, նրա ասելով, իրականում, չափազանց պահանջկոտ է: «Հաշվի առնելով հենց գաստրոնոմիայի շուկայում  մրցակցության բարձր մակարդակը, այդ ոլորտում աշխատող ընկերություններին սխալներ թույլ տալ չի կարելի: Հակառակ դեպքում` հաճախորդը կհեռանա առանց ափսոսանքի` հաշվի առնելով շուկայի հագեցածությունը՚, - ընդգծել է նա:

 

Վերադառնալով անցկացված դիտարկման արդյունքներին` Սարգսյանը նշել է, որ Հայաստանում սննդի առաքման շուկայում թիվ մեկ խնդիրը, այնուամենայնիվ, ծառայությունների մատուցման արագությունն է: Հետևաբար, որպես գլխավոր մրցակցային առավելություն, ընկերույթունը որոշել է շեշտադրում կատարել առաքման արագությանը, որը, հիմնադրի ասելով, մեկ կարգով բարձր կլինի` քան շուկայի միջինը: «Մենք մշակել ենք այնպիսի բիզնես-մոդել, որը կօգնի կրճատել ժամանակածախսը յուրաքանչյուր փուլում: Չեմ ասի, թե միանշանակ մեր ընկերությունն ինչպիսի տեխնոլոգիական լուծումներ է կիրառում, սակայն այն գործիքները, որոնք ներդրել ենք, առաջին հերթին, թույլ կտան ընդլայնել օգտվողների տարիքային  դիապազոնը, իսկ, երկրորդ, զգալիորեն կրճատել առաքման ժամանակային ծախսերը՚, - պարզաբանել է նա, ընդգծելով, որ անձնակազմի հետ շփումն առավելագույնս կկրճատվի: Սարգսյանը նշել է, որ արդեն պատրաստ է Sovats.am բջջային հավելվածը, որը մատչելի կլինի և PlayMarket-ում, և iOS-ում: «Մենք առայժմ պաշտոնապես կայքը չենք գործարկել, սակայն, գիտենալով մեր մոտեցումը, նպատակներն ու տեսլականը, արդեն ստացվում են զանգեր, պատվերներ, մարդիկ ցանկանում են աշխատել մեզ հետ՚, - ընդգծել է նա, նշելով, որ ընկերության պաշտոնական բացումը տեղի կունենա հունիսի սկզբին: Sovats.am թիմը, ղեկավարի ասելով, կաշխատի Հայաստանի գաստրոնոմիայի շուկայի առաջատար և առավել պահանջված խաղացողների հետ, այդ թվում` KFC, Mr.Gyros, Tumanyan և այլն:

 

Նա հավելել է, որ այսօր  Հայաստանում, խոհանոցի որակի բարձրացմանը զուգընթաց, անհրաժեշտ է որակական ցուցանիշներով չզիջել սննդի առաքմամբ զբաղվող ընկերություններին: Ինչպես նշել է Սարգսյանը, Sovats.am նախագիծը բաձր եկամուտ ապահովելու ինքնանպատակ չունի, գները մոտ կլինեն շուկայականին: «Սակայն, մենք ցանկանում ենք առավել որակ ապահովել այդ շուկայական գնի շրջանակում՚, - ընդգծել է ընկերության ղեկավարը: Ընդ որում, նա չի բացառել եկամտի մակարդակի նվազումը: «Մենք մտադիր չենք բարձր եկամուտ ունենալ: Մեր հաջողությունը  կլինի սպասարկման բարձր որակը: Եկամուտը կարող է նաև կրճատվել: Սակայն որակի հաշվին, վստահ եմ, կավելանա մեր կողմից տրամադրվող ծառայությունների ծավալը, ինչն, արդյունքում, կապահովի հենց նույն եկամուտը՚, - եզրափակել է նա: